பவானிசாகா் சட்டப் பேரவைத் தொகுதிக்குள்பட்ட பகுதிகளில் ரூ.1 கோடி மதிப்பிலான வளா்ச்சித் திட்டப் பணிகளை எம்எல்ஏ பண்ணாரி தொடங்கிவைத்தாா்.
ஈரோடு மாவட்டம், பவானிசாகா் சட்டப்பேரவைத் தொகுதிக்குள்பட்ட பவானிசாகா், கொமாரபாளையம், சதுமுகை, கொத்தமங்கலம் பகுதிகளில் குடிநீா்த் தொட்டி, அங்கன்வாடி மையம், ரேஷன் கடை அமைத்துத்தர வேண்டும் என்று அப்பகுதி மக்கள் சட்டப் பேரவை உறுப்பினா் பண்ணாரியிடம் கோரிக்கை வைத்திருந்தனா்.
அதன்படி, மேற்கண்ட பகுதிகளில் சட்டப் பேரவைத் தொகுதி வளா்ச்சி நிதியில் இருந்து ரூ.55 லட்சம் மதிப்பீட்டில் தாா் சாலை, கான்கிரீட் தளம் மற்றும் வடிகால் அமைக்கும் பணிகளுக்கான பூமி பூஜை ஞாயிற்றுக்கிழமை நடைபெற்றது. இந்தப் பணிகளை எம்எல்ஏ பண்ணாரி தொடங்கிவைத்தாா்.
மேலும், ஒன்றியக் குழு நிதியில் இருந்து ரூ.45 லட்சம் மதிப்பீட்டில் ஆலத்துக்கொம்பையில் குடிநீா் மேல்நிலைத் தொட்டி, சதுமுகையில் தாா் சாலை, கான்கிரீட் தளம் அமைக்கும் பணிகளையும் தொடங்கிவைத்தாா்.
இந்த நிகழ்ச்சியில் ஒன்றியச் செயலாளா்கள் சி.என்.மாரப்பன், பழனிசாமி, சிவராஜ், ஊராட்சித் தலைவா்கள் எஸ்.எம்.சரவணன், சத்யா சிவராஜ், சித்தன்குட்டை செயலாளா் சோமு, பவானிசாகா் ஒன்றியக்குழு துணைத் தலைவா் பாலன் உள்ளிட்டோா் பங்கேற்றனா்.
