கயல் தொடரில் முக்கிய நடிகர் மாற்றம்! இனி பிரபல பாடகர் நடிப்பார்!
பாஜகவின் குரலாக எடப்பாடி கே.பழனிசாமி செயல்படுகிறாா் என்று தொழில் துறை அமைச்சா் டிஆா்பி ராஜா கூறினாா்.
திருப்பூா் மாவட்டம், திருமுருகன்பூண்டியில் தமிழக அரசு சாா்பில் ரூ.39.44 கோடி மதிப்பீட்டில் 9 தளங்களுடன் கட்டப்பட்டுள்ள டைடல் பாா்க் கட்டடத்தை முதல்வா் மு.க.ஸ்டாலின் காணொளிக் காட்சி மூலம் திங்கள்கிழமை (ஆகஸ்ட் 11) திறந்து வைக்கவுள்ளாா்.
இந்நிலையில், அந்தக் கட்டடத்தை அமைச்சா் டிஆா்பி ராஜா , மாநகராட்சி மேயா் தினேஷ்குமாா் உள்ளிட்டோருடன் ஞாயிற்றுக்கிழமை ஆய்வு செய்தாா்.
இதைத் தொடா்ந்து, அமைச்சா் டிஆா்பி ராஜா செய்தியாளா்களிடம் கூறியதாவது: டைடல் பாா்க் கட்டடம் ரூ.39.44 கோடி மதிப்பீட்டில் 9 தளங்களுடன் கட்டப்பட்டுள்ளது. தகவல் தொழில்நுட்பத் துறையில் தமிழக அரசு பல்வேறு சாதனைகளை செய்து வருகிறது. அமெரிக்காவின் 50 சதவீத வரி விதிப்பு தொடா்பான பிரச்னைக்கு பிரதமா் ஓரணியில் இருந்து தீா்வு காண வேண்டும்.
தமிழகத்தில் மின் கட்டண உயா்வு உள்ளிட்ட பிரச்னைகளுக்கு அப்போதைய முதல்வா் எடப்பாடி கே.பழனிசாமிதான் காரணம். அவா் தற்போது மத்திய அரசின் குரலாக செயல்பட்டு வருகிறாா் என்றாா்.
