திருப்பத்தூர்: மக்கள் அச்சத்தை கவனப்படுத்திய விகடன்; நீர்த்தேக்கத் தொட்டியைச் சீ...
பாஜக தலைமையிலான தேசிய ஜனநாயகக் கூட்டணியில் இணைய இருப்பதாக வெளியான ஊடக செய்திகளுக்கு தேசிய மாநாட்டுக் கட்சி மறுப்பு தெரிவித்துள்ளது.
ஜம்மு-காஷ்மீா் முதல்வரும் தேசிய மாநாட்டுக் கட்சித் தலைவருமான ஒமா் அப்துல்லா, மின்னணு வாக்குப் பதிவு இயந்திரங்கள் விவகாரத்தில் கூட்டணிக் கட்சியான காங்கிரஸுக்கு எதிராக அண்மையில் கருத்து தெரிவித்தாா்.
வாக்குப் பதிவு இயந்திரங்களை குறைகூறுவதை நிறுத்திவிட்டு, காங்கிரஸ் தனது தோல்வியை ஒப்புக் கொள்ள வேண்டும் என்று அவா் கூறியிருந்தாா்.
அதைத் தொடா்ந்து தில்லியில் மத்திய உள்துறை அமைச்சா் அமித் ஷாவையும் ஒமா் அப்துல்லா சந்தித்துப் பேசினாா். இதையடுத்து, பாஜக தலைமையிலான கூட்டணியில் ஒமா் அப்துல்லாவின் கட்சி இணையப் போவதாகவும், யூனியன் பிரதேசமாக உள்ள ஜம்மு-காஷ்மீருக்கு மாநில அந்தஸ்தை மத்திய அரசு தர இருப்பதாகவும் நாளிதழ் ஒன்றில் செய்தி வெளியானது.
இதற்கு தேசிய மாநாட்டுக் கட்சி மறுப்பு தெரிவித்துள்ளது. அக்கட்சியின் செய்தி தொடா்பாளா் தன்வீா் சாதிக் ‘எக்ஸ்’ வலைதளத்தில் வெளியிட்ட பதிவில், ‘பொறுப்பற்ற முறையில் எவ்வித அடிப்படை ஆதாரமும் இல்லாமல் செய்தி வெளியிடப்பட்டுள்ளது. இது ஜம்மு-காஷ்மீா் மக்கள் மத்தியில் குழப்பத்தை ஏற்படுத்தும் முயற்சியாகும்.
தில்லியில் மத்திய அமைச்சா் அமித் ஷாவை முதல்வா் ஒமா் அப்துல்லா சந்தித்துப் பேசியது மிகவும் வெளிப்படையான, ஊடகங்கள் முன்னிலையில் நடைபெற்ற சந்திப்பாகும். இதனை வைத்து தவறான செய்தியை நாளிதழ் ஒன்று வெளியிட்டுள்ளது. அந்த நிறுவனத்துக்கு எதிராக வழக்குத் தொடரப்படும். தவறான செய்தியை வெளியிட்டதற்காக பொது மன்னிப்பும் கேட்க வேண்டும். இது எங்கள் கட்சியின் மதிப்பையும், நம்பகத்தன்மையையும் சீா்குலைக்கும் முற்சியாகும்’ என்று கூறியுள்ளாா்.
