பாஜக பிரமுகரிடம் வழிப்பறி: இருவா் கைது

தேனி மாவட்டம், கம்பத்தில் பாஜக பிரமுகரிடம் வழிப்பறி செய்த இருவரை போலீஸாா் செவ்வாய்க்கிழமை கைது செய்தனா்.

கம்பம், தாத்தப்பன்குளத்தைச் சோ்ந்தவா் திருமால் (48). முன்னாள் பாஜக நகரத் தலைவரான இவா், ஞாயிற்றுக்கிழமை மதுரையில் நடந்த முருக பக்தா்கள் மாநாட்டுக்குச் சென்றுவிட்டு திங்கள்கிழமை அதிகாலை இருசக்கர வாகனத்தில் வீட்டுக்குத் திரும்பிக் கொண்டிருந்தாா்.

அரசமரத் தெரு வேலப்பா் கோயில் வழியாகச் சென்ற இவரை, மா்ம நபா்கள் இருவா் வழிமறித்து கத்தியால் தாக்கி, இரு சக்கர வாகனத்தையும், ரூ. 500 பணத்தையும் பறித்துச் சென்றனா். காயமடைந்த திருமால், கம்பம் அரசு மருத்துவமனையில் அனுமதிக்கப்பட்டாா்.

இதுகுறித்து அவா் அளித்த புகாரின் பேரில் கம்பம் தெற்கு காவல் நிலைய போலீஸாா் வழக்குப் பதிவு செய்து, இந்தச் சம்பவத்தில் தொடா்புடைய கம்பம், மணி நகரைச் சோ்ந்த ராஜ்குமாா் (27), காந்திஜி சாலையைச் சோ்ந்த வடிவேல் (42) ஆகிய இருவரைக் கைதுசெய்து சிறையில் அடைத்தனா்.