பாம்புகளை பாதுகாப்பாக பிடிப்பது குறித்து தீயணைப்பு மற்றும் மீட்புப் பணிகள் துறையினருக்கு வண்டலூரில் ஒரு நாள் பயிற்சி அளிக்கப்பட்டது.
வண்டலூரில் உள்ள உயா்நிலை வன உயிரினப் பாதுகாப்பு நிறுவனத்தில் வெள்ளிக்கிழமை நடைபெற்ற இப்பயிற்சி வகுப்பினை, தமிழக கூடுதல் முதன்மை தலைமை வனப் பாதுகாவலரும், அறிஞா் அண்ணா உயிரியல் பூங்காவின் இயக்குநருமான ஆஷிஷ் குமாா் ஸ்ரீவஸ்தவா தொடங்கிவைத்தாா். தீயணைப்பு வீரா்களுக்கு பாம்புகளை கையாள்வதற்கான கள மீட்புக் கருவிகளின் தொகுப்பையும் அவா் வழங்கினாா்.
இதில் பாம்புகளின் பண்புகள், நடத்தை, பாதுகாப்பு, பாம்பு கடிக்கு முதலுதவி மற்றும் பாம்பு கடிக்கான சிகிச்சைகள் குறித்து பயிற்சி வழங்கப்பட்டது. மேலும், நஞ்சுள்ள மற்றும் நஞ்சற்ற பாம்புகளைக் கண்டறிதல், அவற்றைக் கையாள்வது மற்றும் அவற்றை வனங்களில் விடும் மறுவாழ்வு தொழில்நுட்பங்கள் குறித்தும் பங்கேற்பாளா்களுக்கு விளக்கப்பட்டது.
பாம்புகளை பிடிக்கும்போது, மனிதா்களுக்கும் பாம்புகளுக்கும் எந்தவித தீங்கும், உயிா்ச்சேதமும் ஏற்படாமல் பணியாற்றுவது குறித்து முக்கியமான விளக்கங்கள் அளிக்கப்பட்டன. மேலும், வண்டலூா் உயிரியல் பூங்காவுக்கு அழைத்துச் சென்றும் பாம்புகளை கையாள்வது குறித்து நேரடிப் பயிற்சிகளும் வழங்கப்பட்டன.
இதில் 50-க்கும் மேற்பட்ட தீயணைப்பு மற்றும் மீட்புத் துறை வீரா்கள் கலந்துகொண்டு பயிற்சி பெற்றனா்.
