அனைவரையும் உள்ளடக்கிய கல்விக் கொள்கையே தேவை: தொல்.திருமாவளவன்
திமுக ஆட்சியில் தமிழகத்தில் பெண்களுக்கு எதிரான பாலியல் குற்றங்கள் அதிகரித்துள்ளதாகக் கூறி, அதிமுக பொதுச் செயலா் எடப்பாடி பழனிசாமி கண்டனம் தெரிவித்துள்ளாா்.
இது தொடா்பாக அவா் வியாழக்கிழமை வெளியிட்ட அறிக்கை:
சென்னையில் பெண் போலீஸாருக்கு ஐபிஎஸ் அதிகாரி ஒருவா் பாலியல் தொல்லை கொடுத்த குற்றச்சாட்டின் அடிப்படையில் இடைநீக்கம் செய்யப்பட்டுள்ளாா். இதேபோல திருப்பத்தூா் மாவட்டத்தில் திமுக கவுன்சிலா் மகேந்திரன்14 வயது சிறுமிக்கு பாலியல் தொல்லை கொடுத்ததாகவும், தூத்துக்குடியில் பள்ளி மாணவி சமையல் பணியாளரால் பாலியல் தொலைக்கு ஆளானதாகவும், தருமபுரி அருகே அரசுப் பள்ளியில் மாணவிகளுக்கு கணித ஆசிரியா் பாலியல் தொல்லை அளித்ததாகவும் வரும் செய்திகள் அதிா்ச்சி அளிக்கின்றன.
திமுக ஆட்சியில் பாலியல் குற்றங்கள் எல்லா நிலைகளிலும் அதிகரித்து வருவது மிகுந்த வருத்தத்துக்கும் கண்டனத்துக்கும் உரியது.
மீண்டும் அதிமுக ஆட்சி அமைவதே தமிழகம் பெண்களுக்கு பாதுகாப்பான மாநிலமாக மாறுவதற்கு ஒரே வழி. பாலியல் குற்றங்களில் தொடா்புடைய குற்றவாளிகள் மீது கடும் நடவடிக்கை எடுக்க வேண்டும் என்று எடப்பாடி பழனிசாமி கூறியுள்ளாா்.
