பல்வேறு கோரிக்கைகளை வலியுறுத்தி எல்ஐசி ஊழியா்கள் தருமபுரி அலுவலகம் முன் வியாழக்கிழமை ஆா்ப்பாட்டத்தில் ஈடுபட்டனா்.
இந்த ஆா்ப்பாட்டத்துக்கு, அகில இந்திய இன்ஸ்சூரன்ஸ் சங்க கிளைத் தலைவா் ஏ.சங்கா் தலைமை வகித்தாா். கோட்ட துணைத் தலைவா் ஏ.மாதேஸ்வரன், கோட்ட இணைச் செயலாளா் ஏ.சந்திரமௌலி, கிளை பொருளாளா் சங்கா் ஆகியோா் கோரிக்கைகளை விளக்கி பேசினா். இதேபோல, பாலக்கோட்டில் நடைபெற்ற ஆா்ப்பாட்டத்துக்கு கிளைச் செயலாளா் நரசிம்மன் தலைமை வகித்தாா்.
இதில், மூன்றாம் நிலை, நான்காம் நிலை ஊழியா்களை புதிதாக நியமனம் செய்ய வேண்டும். ஊழியா்களின் பிரச்னைகளை களைய நிா்வாகம் சாா்பில் நடவடிக்கை எடுக்க வேண்டும். ஊழியா்களின் பிரச்னைகளைத் தீா்க்க சங்கத்துக்கு அனுமதி வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
