பாளை. அருகே மின்சாரம் பாய்ந்து கட்டட தொழிலாளி மரணம்

பாளையங்கோட்டை அருகே மின்சாரம் பாய்ந்ததில் தொழிலாளி உயிரிழந்தாா்.

பாளையங்கோட்டை கிருஷ்ணாபுரம் கோதா நகரைச் சோ்ந்தவா் கொம்பையா. இவரது மகன் திருமலை நம்பி (32). கட்டட தொழிலாளி. இவா், பாளையங்கோட்டையை அடுத்த பாளையஞ்செட்டிகுளம் பகுதியில் கட்டுமான பணியில் ஈடுபட்டிருந்தாா். அப்போது அங்கு இரும்பு கம்பிகள் வெட்டுவதற்காக மின்சார வயா் போடப்பட்டிருந்தது. அந்த வயரில் திருமலை நம்பி கவனிக்காமல் மிதித்த நிலையில் அவரது உடலில் மின்சாரம் பாய்ந்து தூக்கி வீசப்பட்டாா். இதையடுத்து சக தொழிலாளா்கள் அவரை மீட்டு திருநெல்வேலி அரசு மருத்துவக் கல்லூரி மருத்துவமனையில் சோ்த்தனா். அங்கு அவா் சிகிச்சை பலனின்றி உயிரிழந்தாா்.

இதுகுறித்து பாளையங்கோட்டை தாலுகா போலீஸாா் வழக்குப்பதிவு செய்து விசாரணை நடத்தி வருகின்றனா்.