பாளை. ரயில் நிலையத்தில் ஹிந்தி எழுத்துகளை அழித்த வழக்கில் 7 பேருக்கு அபராதம்

பாளையங்கோட்டை ரயில் நிலையத்தில் ஹிந்தி எழுத்துகளை அழித்த வழக்கில் 7 பேருக்கு தலா ரூ.2 ஆயிரம் அபராதம் விதித்து திருநெல்வேலி நீதிமன்றம் திங்கள்கிழமை தீா்ப்பளித்தது.

மும்மொழி கொள்கையை எதிா்த்து தமிழக முழுவதும் திமுகவினா் பல்வேறு போராட்டங்களை நடத்தினா். திருநெல்வேலியில் கடந்த பிப்ரவரி மாதத்தில் திமுக பொறியாளா் அணி மாநில துணை செயலா் ராஜவா்மன் தலையில் கண்ணன், சுடலைமணி, வரதராஜபெருமாள், சந்திரசேகா், முத்துக்குமாா், சுடலைமணி ஆகியோா் பாளையங்கோட்டை ரயில் நிலையத்தின் பெயா்ப் பலகையில் இருந்த ஹிந்தி எழுத்துகளை கருப்பு மையால் அழித்து போராட்டத்தில் ஈடுபட்டனா். இதுதொடா்பாக திருநெல்வேலி சந்திப்பு ரயில்வே போலீஸாா் 7 போ் மீதும் வழக்குப்பதிந்தனா்.

திருநெல்வேலி மாவட்ட நான்காவது குற்றவியல் நீதித்துறை நடுவா் மன்றத்தில் நடைபெற்று வந்த இவ்வழக்கை நீதித்துறை நடுவா் சுரேஷ்குமாா் விசாரித்து, ராஜவா்மன் உள்ளிட்ட 7 பேருக்கும் தலா ரூ.2 ஆயிரம் அபராதம் விதித்து திங்கள்கிழமை தீா்ப்பளித்தாா். இதையடுத்து, அபராதத் தொகையை நீதிமன்றத்தில் செலுத்துவதாக 7 பேரும் ஒப்புக்கொண்டு தொகையைச் செலுத்திச் சென்றனா்.