தூத்துக்குடி: மதுபோதையில் இரு சக்கர வாகனத்தில் வேகமாகச் சென்ற கும்பல்; கண்டித்த ...
ஜொ்மனியில் நடைபெற்ற 500 புள்ளிகள் கொண்ட பிஎம்டபிள்யூ ஓபன் ஆடவா் டென்னிஸ் போட்டியில், உள்நாட்டு வீரரான அலெக்ஸாண்டா் ஸ்வெரெவ் சாம்பியன் கோப்பை வென்றாா்.
மியுனிக் நகரில் ஞாயிற்றுக்கிழமை நடைபெற்ற ஆடவா் ஒற்றையா் இறுதிச்சுற்றில், போட்டித்தரவரிசையில் முதலிடத்தில் இருந்த அவா் 6-2, 6-4 என்ற நோ் செட்களில், 2-ஆம் இடத்திலிருந்த அமெரிக்காவின் பென் ஷெல்டனை தோற்கடித்தாா். இருவரும் சந்தித்தது இது 2-ஆவது முறையாக இருக்க, ஸ்வெரெவ் இரண்டிலும் வென்றிருக்கிறாா்.
இதன்மூலம் இந்தப் போட்டியில் 3-ஆவது முறையாக சாம்பியன் பட்டம் வென்றுள்ள ஸ்வெரெவ், ஒட்டுமொத்தமாக தனது 24-ஆவது டூா் பட்டத்தை வென்றிருக்கிறாா். நடப்பு காலண்டரில் இதுவே ஸ்வெரெவின் முதல் சாம்பியன் கோப்பையாக இருக்க, அதை தனது பிறந்த நாளில் அவா் வென்றுள்ளது குறிப்பிடத்தக்கது.
இப்போட்டியில் முன்னாள் ஜொ்மனி வீரா் ஃபிலிப் கோல்ஷ்ரிபா் 3 முறை சாம்பியன் பட்டம் வென்றதே அதிகபட்சமாக இருக்க, அதை தற்போது ஸ்வெரெவ் சமன் செய்துள்ளாா். எல்லா போட்டிகளிலுமாக ஸ்வெரெவ் தனது சொந்த மண்ணில் வென்றிருக்கும் 6-ஆவது சாம்பியன் கோப்பை இதுவாகும்.
வெற்றிக்குப் பிறகு பேசிய ஸ்வெரெவ், ‘சொந்த நாட்டில் பட்டம் வெல்வதை எப்போதும் விரும்புகிறேன். அந்த வகையில் இந்த சாம்பியன் கோப்பை எனக்கு சிறப்பானது. அதிலும் இது பிறந்த நாள் பரிசாகவும் அமைந்தது கூடுதல் சிறப்பு’ என்றாா்.
இரட்டையா்: இப்போட்டியின் இரட்டையா் பிரிவில், நெதா்லாந்தின் செம் வொ்பீக்/ஸ்வீடனின் ஆண்ட்ரே கோரன்சன் இணை 6-4, 6-4 என்ற நோ் செட்களில், போட்டித்தரவரிசையில் முதலிடத்தில் இருந்த ஜொ்மனி ஜோடியான கெவின் கிராவிட்ஸ்/டிம் பட்ஸை சாய்த்து வாகை சூடியது.
ரூ.4.53 கோடி பரிசு
சாம்பியன் பட்டம் வென்ற ஸ்வெரெவுக்கு கோப்பையுடன் ரூ.4.53 கோடி ரொக்கமும், பிஎம்டபிள்யூ காா் ஒன்றும் பரிசாக வழங்கப்பட்டது. இரட்டையா் பிரிவில் வாகை சூடிய வொ்பீக்/கோரன்சன் இணைக்கு ரூ.1.49 கோடி ரொக்கப் பரிசு வழங்கப்பட்டது.
சபலென்கா - ஆஸ்டபென்கோ பலப்பரீட்சை
ஜொ்மனியில் நடைபெறும் மகளிருக்கான ஸ்டட்காா்ட் ஓபன் டென்னிஸ் போட்டியின் இறுதிச்சுற்றில், பெலாரஸின் அரினா சபலென்கா - லாத்வியாவின் ஜெலினா ஆஸ்டபென்கோ ஆகியோா் திங்கள்கிழமை பலப்பரீட்சை நடத்தவுள்ளனா்.
முன்னதாக மகளிா் ஒற்றையா் அரையிறுதியில், உலகின் நம்பா் 1 வீராங்கனையான சபலென்கா 7-5, 6-4 என்ற நோ் செட்களில், போட்டித்தரவரிசையில் 5-ஆம் இடத்திலிருந்த இத்தாலியின் ஜாஸ்மின் பாலினியை வீழ்த்தினாா். ஆஸ்டபென்கோ தனது அரையிறுதியில் 6-4, 6-4 என்ற நோ் செட்களில் ரஷியாவின் எகாடெரினா அலெக்ஸாண்ட்ரோவாவை வெளியேற்றினாா்.
சபலென்கா - ஆஸ்டபென்கோ இதுவரை 3 முறை சந்தித்திருக்க, சபலென்கா ஹாட்ரிக் வெற்றியுடன் முன்னிலை வகிப்பது குறிப்பிடத்தக்கது.
