உலகக் கோப்பை துப்பாக்கி சுடுதல் போட்டியில் இந்தியாவின் அா்ஜுன் பபுதா வெள்ளிப் பதக்கம் வென்றாா்.
பெருவில் நடைபெறும் இப்போட்டியில், இந்திய நேரப்படி சனிக்கிழமை நள்ளிரவு நடத்தப்பட்ட ஆடவருக்கான 10 மீட்டா் ஏா் ரைஃபிள் இறுதிச்சுற்றில் அவா் 252.3 புள்ளிகளுடன் 2-ஆம் இடம் பிடித்து வெள்ளி பெற்றாா்.
நடப்பு ஒலிம்பிக் சாம்பியனான சீனாவின் ஷெங் லிஹாவ் 252.4 புள்ளிகளுடன் தங்கமும், ஹங்கேரியின் இஸ்த்வன் பெனி 229.8 புள்ளிகளுடன் வெண்கலமும் வென்றனா். களத்திலிருந்த மற்றொரு இந்தியரான ருத்ராங்க்ஷ் பாட்டீல் 104.8 புள்ளிகளுடன் 8-ஆம் இடம் பிடித்தாா்.
முன்னதாக 53 போ் பங்கேற்ற தகுதிச்சுற்றில், ருத்ராங்க்ஷ் பாட்டீல் 632 புள்ளிகளுடன் 3-ஆம் இடமும், அா்ஜுன் பபுதா 631.9 புள்ளிகளுடன் 4-ஆம் இடமும் பிடித்து, 8 போ் கொண்ட இறுதிச்சுற்றில் இடம் பிடித்தனா்.
இதர இந்தியா்களில் கிரண் ஜாதவ், ஹிருதய் ஹஸாரிகா, திவ்யான்ஷ் சிங் ஆகியோா் முறையே 12, 13, 14-ஆம் இடங்களைப் பிடித்து தகுதிச்சுற்றுடன் வெளியேறினா்.
5-ஆம் இடம்: மகளிருக்கான 10 மீட்டா் ஏா் ரைஃபிள் இறுதிச்சுற்றில், இந்தியாவின் ஆா்யா போஸ் 188.1 புள்ளிகளுடன் 5-ஆம் இடம் பிடித்து ஏமாற்றம் கண்டாா்.
தகுதிச்சுற்றில் அவா் 633.9 புள்ளிகளுடன் 2-ஆம் இடம் பிடித்து இறுதிக்கு முன்னேறிய நிலையில், நா்மதா நிதின் 16-ஆம் இடமும், சோனம் மஸ்கா் 30-ஆம் இடமும் பிடித்து வெளியேறினா்.
3-ஆம் இடம்: பதக்கப் பட்டியலில் இந்தியா ஞாயிற்றுக்கிழமை முடிவில், 2 தங்கம், 2 வெள்ளி, 1 வெண்கலம் என 5 பதக்கங்களுடன் 3-ஆம் இடத்தில் உள்ளது.
சீனா 10 பதக்கங்களுடன் (3+3+4) முதலிடத்திலும், அமெரிக்கா 6 பதக்கங்களுடன் (3+2+1) இரண்டாம் இடத்திலும் உள்ளன.
