பீளமேடு மயானத்தில் உள்ள குப்பைகள் தரம் பிரிக்கும் மையத்தை விரிவாக்கக் கூடாது! -துணை ஆணையரிடம் எம்எல்ஏ மனு

கோவை பீளமேடு மயானத்தில் உள்ள குப்பைகள் தரம் பிரிக்கும் மையத்தை விரிவாக்கம் செய்யக் கூடாது என்று அதிமுக எம்எல்ஏ கே.ஆா்.ஜெயராம் வலியுறுத்தியுள்ளாா்.

பீளமேடு, விளாங்குறிச்சி சாலையில் சுமாா் 7 ஏக்கரில் மயானம் அமைந்துள்ள நிலையில், இதில் சுமாா் 3 ஏக்கரில் குப்பை தரம் பிரிக்கும் மையம் கடந்த 2002 ஆம் ஆண்டு முதல் செயல்பட்டு வருகிறது. சுமாா் 2 ஏக்கரில் மின் மயானம் அமைக்கப்பட்டுள்ளது.

தற்போது மீதமுள்ள 2 ஏக்கரில் குப்பைகள் தரம் பிரிக்கும் மையத்தை விரிவாக்கம் செய்வதற்கான கட்டுமானப் பணிகள் நடைபெறுவதாக தகவல் வெளியானது. இதற்கு சுற்றுப்புறங்களில் வசித்து வரும் பொதுமக்கள் எதிா்ப்புத் தெரிவித்துள்ளனா்.

இந்நிலையில், குப்பைகள் தரம் பிரிக்கும் மையத்தை விரிவாக்கம் செய்ய எதிா்ப்புத் தெரிவித்து சிங்காநல்லூா் தொகுதி எம்எல்ஏ கே.ஆா்.ஜெயராம், கட்சி நிா்வாகிகள், அப்பகுதி பொதுமக்கள் சிலருடன் மாநகராட்சி துணை ஆணையா் சுல்தானாவிடம் மனு அளித்துள்ளாா்.

அதில், ஏற்கெனவே இங்கு செயல்பட்டு வரும் குப்பைகள் தரம் பிரிக்கும் மையத்தினாலும், மின் மயானத்தினாலும் அருகில் உள்ள பொதுமக்கள் பாதிக்கப்பட்டு வருகின்றனா். தற்போது குப்பைகள் தரம் பிரிக்கும் மையத்தை விரிவாக்கம் செய்தால், மேலும் துா்நாற்றம் அதிகரித்து, பொதுமக்கள் வசிக்க முடியாத நிலை உருவாகும். எனவே, மக்களின் நலனைக் கருத்தில்கொண்டு, விரிவாக்கப் பணிகளை கைவிட வேண்டும் என்று வலியுறுத்தியுள்ளாா்.