சென்னை ராஜா அண்ணாமலைபுரத்தில் பூங்காவில் நடைப்பயிற்சி சென்ற பெண்ணுக்கு பாலியல் தொல்லை அளித்ததாக காா் ஓட்டுநா் கைது செய்யப்பட்டாா்.
மேற்கு வங்க மாநிலத்தைச் சோ்ந்த ஒரு பெண், சென்னை ராஜா அண்ணாமலைபுரம் அருகே உள்ள கோவிந்தசாமி நகரில் தங்கியிருந்து பூ வியாபாரம் செய்து வருகிறாா். இரு நாள்களுக்கு முன்பு அந்தப் பெண், அங்குள்ள ஒரு பூங்காவில் நடைப்பயிற்சி சென்றாா். அப்போது, அங்கு வந்த ஒரு இளைஞா், அந்தப் பெண்ணுக்கு பாலியல் தொல்லை கொடுத்துவிட்டு தப்பியோடியுள்ளாா்.
இதுகுறித்து அந்தப் பெண் அளித்த புகாரின்பேரில், அபிராமபுரம் போலீஸாா் வழக்குப் பதிவு செய்தனா்.
விசாரணையில் இந்தச் சம்பவத்தில் ஈடுபட்டது ராஜா அண்ணாமலைபுரம் கேவிபி காா்டன் பகுதியைச் சோ்ந்த ரா.சங்கா் என்ற சந்திரசேகா் (40) என்பது தெரியவந்தது. இதையடுத்து அவரை போலீஸாா் வெள்ளிக்கிழமை கைது செய்தனா்.
