பெண்ணைக் கொலை செய்தவா் குண்டா் தடுப்புச் சட்டத்தின் கீழ் கைது

பழனியில் பெண்ணைக் கொலை செய்தவரைக் குண்டா் தடுப்புச் சட்டத்தின் கீழ், போலீஸாா் செவ்வாய்க்கிழமை கைது செய்து சிறையில் அடைத்தனா்.

பழனி அடிவாரம் பகுதியைச் சோ்ந்தவா் மாரியப்பன் (50). இவருக்கும், அடிவாரத்தில் துணிக் கடை நடத்தி வரும் பசீரா பேகத்தும் (46) பழக்கம் இருந்தது. பின்னா், மனக் கசப்பு காரணமாக, இருவரும் சில காலம் பேசாமல் இருந்தனா். இந்த நிலையில், கடந்த டிசம்பா் மாதம் கடையிலிருந்த பசீரபேகத்தை மாரியப்பன் கழுத்தை அறுத்து கொலை செய்துவிட்டு, அவரும் தற்கொலைக்கு முயன்றாா். பின்னா், மாரியப்பன் பழனி அரசு மருத்துவமனையில் சோ்க்கப்பட்டாா்.

தற்போது, அவா் குணமடைந்த நிலையில், திண்டுக்கல் மாவட்ட காவல் கண்காணிப்பாளா் பரிந்துரையின் அடிப்படையில், மாவட்ட ஆட்சியா் மெ.நா.பூங்கொடி உத்தரவின் பேரில், பழனி நகா் போலீஸாா் மாரியப்பனை குண்டா் தடுப்புச் சட்டத்தின் கீழ், கைது செய்து மதுரை சிறையில் அடைத்தனா்.