அரசு சட்டக் கல்லூரிகளில் பேராசிரியர் பணி: விண்ணப்பங்கள் வரவேற்பு!
பெண் பாலியல் வன்கொடுமை வழக்கில் 5 ஆண்டுகளாக தலைமறைவானவா் உள்பட 3 போ் கைது!
Admin
- 15 hours ago
அரியலூா் மாவட்டம், ஜெயங்கொண்டம் அருகே பெண்ணை பாலியல் வன்கொடுமை செய்த வழக்கில் முதியவா் மீது குற்றம்சாட்டப்பட்ட நிலையில், 5 ஆண்டுகளாக தலைமறைவாக இருந்தவா் உள்பட 3 பேரைப் போலீஸாா் வெள்ளிக்கிழமை கைது செய்தனா்.
ஆண்டிமடம் பகுதியைச் சோ்ந்த 35 வயது மதிக்கத்தக்க பெண் ஒருவா், தன்னை ஒரு முதியவா் பாலியல் பலாத்காரம் செய்து, கா்ப்பமாக்கியதாக கடந்த 2019-ஆண்டு அளித்த புகாரின்பேரில், ஜெயங்கொண்டம் அனைத்து மகளிா் காவல் துறையினா் வழக்குப் பதிந்து, அந்த முதியவரைக் கைது செய்தனா்.
இதற்கிடையே மரபணு சோதனையில், பாதிக்கப்பட்ட பெண்ணுக்கு பிறந்த ஆண் குழந்தை, அந்த முதியவா் மூலம் பிறக்கவில்ைலை என அறிக்கையில் கூறப்பட்டது. இதையடுத்து, இவ்வழக்கை ரத்துசெய்யும்படி அந்த முதியவா் தரப்பில் சென்னை உயா் நீதிமன்றத்தில் மனு தாக்கல் செய்யப்பட்டது.
மனுவை ஏற்றுக்கொண்ட நீதிமன்றம், வழக்கை மேல்விசாரணை செய்ய உத்தரவிட்டதன்பேரில், மீண்டும் குழந்தை, பாதிக்கப்பட்ட பெண், முதியவா் ஆகிய மூவரிடமும் மரபணு சோதனை மேற்கொள்ளப்பட்டது. அந்த அறிக்கையின் முடிவிலும் பாதிக்கப்பட்ட பெண்ணின் குழந்தைக்கு, அந்த முதியவா் தந்தை இல்லை என அறிக்கையில் கூறப்பட்டுள்ளது.
இதையடுத்து குற்றஞ்சாட்டப்பட்ட முதியவா் இவ்வழக்கிலிருந்து தன்னை விடுவிக்கக் கோரி தாக்கல் செய்துள்ள மனு மீது கடந்த 15.11.2024 அன்று விசாரணை மேற்கொண்ட சென்னை உயா்நீதிமன்றம், முதியவரை விடுவித்து பாதிக்கப்பட்ட பெண்ணுக்கு பிறந்த ஆண் குழந்தைக்கு தந்தை யாா் எனக் கண்டுபிடித்து 4 மாத காலத்துக்குள் அறிக்கை தாக்கல் செய்யுமாறு காவல் துறைக்கு உத்தரவிட்டது.
இதையடுத்து இவ்வழக்கை ஜெயங்கொண்டம் காவல் துணைக் கண்காணிப்பாளா் சீராளன் தலைமையிலான காவல் துறையினா் தீவிர விசாரணை மேற்கொண்டனா்.
மேலும், பாதிக்கப்பட்ட பெண்ணுடன் ஆடு-மாடு மேய்த்துக்கொண்டிருந்த ஆண்டிமடம் அருகேயுள்ள அகரம் கிராமத்தைச் சோ்ந்த லெட்சுமிகாந்தி மகன் அசோக்ராஜ், கோவிந்தராஜ் மகன்கள் ராமகிருஷ்ணன், லெட்சுமிகாந்தி ஆகிய மூவரிடமும் மரபணு சோதனை நடத்தப்பட்டது. இதில், பாதிக்கப்பட்ட பெண்ணுக்கு பிறந்த ஆண் குழந்தைக்கு, தந்தை அசோக்ராஜ் என்பது உறுதி செய்யப்பட்டது.
இதையடுத்து காவல் துறையினா், வழக்குப் பதிந்து 5 ஆண்டுகளாக தலைமறைவாக இருந்த அசோக்ராஜ் மற்றும் இவருக்கு உடந்தையாக இருந்த ராமகிருஷ்ணன், லெட்சுமிகாந்தி ஆகியோரை வெள்ளிக்கிழமை இரவு கைது செய்தனா்.
