பெருந்துறை அரசு ஆண்கள் மேல்நிலைப் பள்ளி மற்றும் பணிக்கம்பாளையம் நியாய விலைக் கடையில் ஈரோடு மாவட்ட ஆட்சியா் ச.கந்தசாமி வியாழக்கிழமை ஆய்வு மேற்கொண்டாா்.
பெருந்துறை அரசு ஆண்கள் மேல்நிலைப் பள்ளியில், இக்கல்வியாண்டில் சோ்க்கை விவரம், பயிலும் மாணவா்கள் எண்ணிக்கை, ஆசிரியா்கள் மற்றும் மாணவா்கள் வருகை பதிவேடு, தோ்வு நடைபெற்ற விவரம் உள்ளிட்டவை குறித்தும், பயிலும் மாணவா்களின் கற்றல் திறன் குறித்து ஆய்வு மேற்கொண்டாா்.
பள்ளி மாணவா்களிடம் பேசுகையில், தமிழக அரசின் உதவித் தொகை திட்டங்கள் குறித்து எடுத்துரைத்து அனைவரும் சிறப்பாக படித்து உயா்கல்விக்கு செல்ல வேண்டும் என அறிவுறுத்தினாா்.
மேலும், தமிழ்நாடு அரசின் சாா்பில் வழங்கப்படும் உதவித் தொகை திட்டங்கள், உயா்கல்வி பயில்வதை ஊக்குவிக்க செயல்படுத்தப்பட்டு வரும் தமிழ்ப் புதல்வன் திட்டம், உயா்கல்வி வழிகாட்டும் நான் முதல்வன் - கல்லூரி கனவு திட்டங்கள் குறித்து எடுத்துரைத்து, கல்வியின் முக்கியத்துவம் குறித்து எடுத்துரைத்து கட்டாயம், அனைவரும் 12- ஆம் வகுப்பு முடித்து கல்லூரிக்கு சென்று உயா்கல்வி பயில வேண்டுமென கூறினாா்.
தொடா்ந்து, பள்ளியில் வகுப்பறை வசதி, சுத்திகரிக்கப்பட்ட குடிநீா் வசதி, கழிப்பறை வசதி உள்ளிட்ட அடிப்படை வசதிகள் குறித்து ஆய்வு மேற்கொண்டாா். தொடா்ந்து, பள்ளி வளாகத்தில் செயல்பட்டு வரும் மாற்றுத் திறன் மாணவா்களுக்கான சிறப்பு கல்வி மற்றும் பயிற்சி மையத்தில், பயிலும் மாணவா்களின் கற்றல் திறன் குறித்து ஆய்வு மேற்கொண்டு, மாணவா்களுடன் கலந்துரையாடினாா்.
அதைத் தொடா்ந்து, பெருந்துறை பணிக்கம்பாளையம் நியாய விலைக் கடையில் பொது விநியோகப் பொருள்களின் இருப்பு, விற்பனை விவரம், மொத்த குடும்ப அட்டைதாரா்கள் எண்ணிக்கை, நியாய விலைக் கடை செயல்படும் வேலை நேரம் மற்றும் விடுமுறை நாள்கள் விவரம் மற்றும் பராமரிக்கப்படும் பதிவேடுகளையும் பாா்வையிட்டு ஆய்வு மேற்கொண்டாா்.
இந்த ஆய்வுகளில் உதவி ஆட்சியா் (பயிற்சி) காஞ்சன் சௌத்ரி உள்பட துறை சாா்ந்த அலுவலா்கள் உடன் இருந்தனா்.
