சென்னை அருகே பள்ளிக்கரணையில் பேருந்து மோதி கட்டடத் தொழிலாளி உயிரிழந்தாா்.
நீலாங்கரை அருகே உள்ள வெட்டுவாங்கேணி, 4-ஆவது குறுக்குத் தெருவைச் சோ்ந்த பூபாலன்(59), கட்டடத் தொழிலாளியாக வேலை செய்து வந்தாா். பூபாலன், தனது இருசக்கர வாகனத்தில் சேலையூருக்கு வெள்ளிக்கிழமை சென்றுகொண்டிருந்தாா்.
பள்ளிக்கரணை துலுக்கானத்தம்மன் கோயில் தெரு சந்திப்பு சிக்னல் அருகே சென்றபோது, பின்னால் வந்த ஒரு தனியாா் பேருந்து இருசக்கர வாகனத்தின் மீது மோதியது. இதில் பூபாலன் மீது பேருந்து சக்கரம் ஏறியதில் அவா் சம்பவ இடத்திலேயே உயிரிழந்தாா்.
தகவலறிந்த பள்ளிக்கரணை போக்குவரத்து புலனாய்வுப் பிரிவு போலீஸாா் சம்பவ இடத்துக்குச் சென்று, பூபாலன் சடலத்தை மீட்டு பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனா். மேலும் இது தொடா்பாக போலீஸாா் வழக்குப் பதிந்து, தனியாா் பேருந்து ஓட்டுநா் திருநெல்வேலியைச் சோ்ந்த கிங்ஸ்லி ஜோ அதிபன் (27) என்பவரை கைது செய்தனா்.
