முதல்வர் பிறந்தநாள்: தமிழில் கையெழுத்திட்டு ஆளுநர் வாழ்த்துக் கடிதம்!
மகளிா் உரிமைத் தொகை மொத்தமாக கிடைத்ததால் மூதாட்டி மகிழ்ச்சியடைந்தாா்.
தரங்கம்பாடி வட்டம் திருக்களாச்சேரி பாலூா் பகுதியை சோ்ந்த அசுபதி (84) மகளிா் உரிமைத் தொகைக்கு விண்ணப்பித்து கிடைக்காததால், சீா்காழி கோட்டாட்சியா் அலுவலகத்தில் மனு அளித்தாா். கோட்டாட்சியா் சுரேஷ், அலுவலா் பாபு ஆகியோா் மூதாட்டியின் மனு விவரங்களை அறிந்து விசாரணை செய்தனா்.
விசாரணையில் மூதாட்டியின் மற்றொரு வங்கிக் கணக்கில் மகளிா் உரிமைத் தொகை திட்டம் தொடங்கியது முதல் பிப்ரவரி வரையிலான ரூ. 18,000 வரவு வைக்கப்பட்டிருந்தது தெரிய வந்தது. மூதாட்டியின் வங்கிக் கணக்கு செயல் இழப்பில் இருந்ததால் கோட்டாட்சியா் அலுவலகம் மூலம் அதை புதுப்பித்து வரவு வைக்கப்பட்டுள்ள தொகை முழுவதும் கிடைக்க நடவடிக்கை எடுத்தனா். இதையறிந்த மூதாட்டி மிகுந்த மகிழ்ச்சி அடைந்தாா்.
