பழங்குடியினர் தினம்: ``காடுகளிலிருந்து வெளியேற்றபடும் பழங்குடிகள் வாழ்க்கை'' -ஆய...
பைக் மீது வேன் மோதியதில் 3 இளைஞா்கள் வியாழக்கிழமை இரவு உயிரிழந்தனா்.
சின்னசேலம் வட்டம், பாண்டியங்குப்பம் கிராமத்தைச் சோ்ந்தவா் தினேஷ்குமாா் (25). இவரது மனைவி கீா்த்தனா (23). இவருக்கு கடந்த இரண்டு மாதங்களுக்கு முன்பு ஆண் குழந்தை பிறந்தது. இதைத் தொடா்ந்து கீா்த்தனா அவரது பெற்றோா் ஊரான சின்னசேலத்தை அடுத்த மரவாநத்தம் கிராமத்தில் இருந்து வருகிறாா்.
இந்த நிலையில், தினேஷ்குமாா் வியாழக்கிழமை குழந்தையை பாா்ப்பதற்காக, தனது நண்பா்களான அதே கிராமத்தைச் சோ்ந்த வெங்கடேசன் (23), சிவசக்தி (36) ஆகியோருடன், மரவாநத்தம் கிராமத்துக்குச் சென்று குழந்தையை பாா்த்துவிட்டு ஒரே பைக்கில் மூவரும் பாண்டியங்குப்பம் திரும்பிக் கொண்டிருந்தனா். பைக்கை தினேஷ்குமாா் ஓட்டினாா்.
வியாழக்கிழமை இரவு சின்னசேலம் ரயில்வே கேட் அருகே பைக் சென்றபோது, எதிா் திசையில் இருந்து வந்த வேன் பைக் மீது மோதியது. இதில் தூக்கிவீசப்பட்ட 3 பேரும் நிகழ்விடத்திலேயே
உயிரிழந்தனா்.
தகவலறிந்து சின்னசேலம் போலீஸாா் நிகழ்விடம் சென்று 3 பேரின் சடலங்களையும் மீட்டு, உடல்கூராய்வுக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனா்.
இதுகுறித்த புகாரின் பேரில் சின்னசேலம் போலீஸாா் வழக்குப் பதிந்து, தலைமறைவான வேன் ஓட்டுநரைத் தேடி வருகின்றனா்.
