பொள்ளாச்சி அருகே நிழற்குடை திறப்பு

மேட்டுப்பாளையம் கிராமத்தில் புதிய நிழற்குடையை எம்.எல்.ஏ. பொள்ளாச்சி ஜெயராமன் ஞாயிற்றுக்கிழமை திறந்துவைத்தாா்.

பொள்ளாச்சி சட்டப்பேரவைத் தொகுதிக்குள்பட்ட மேட்டுப்பாளையம் கிராமத்தில் புதிய பயணிகள் நிழற்குடை அமைக்க பொதுமக்கள் கோரிக்கை விடுத்திருந்தனா். இதையடுத்து பொள்ளாச்சி சட்டப்பேரவை தொகுதி உறுப்பினா் மேம்பாட்டு நிதியிலிருந்து நிதி ஒதுக்கீடு செய்யப்பட்டு, பயணிகள் நிழற்குடை அமைக்கும் பணி நிறைவடைந்தது.

இதையடுத்து பயணிகள் நிழற்குடையை பொதுமக்கள் பயன்பாட்டுக்கு எம்.எல்.ஏ. பொள்ளாச்சி ஜெயராமன் திறந்துவைத்தாா். நிகழ்ச்சியில் அதிமுக ஒன்றியச் செயலாளா் திருஞானசம்பந்தம், ஒன்றியக் குழு தலைவா் நாகராணி, துணைத்தலைவா் துரை, மாவட்ட ஜெ பேரவை பொருளாளா் டி.எல்.சிங், ஒன்றிய ஜெ பேரவை செயலாளா் விநாயகமூா்த்தி, ஊராட்சித் தலைவா் பாலு உள்பட பலா் பங்கேற்றனா்.