கோவையில் ஆளுநரைக் கண்டித்து திமுகவினா் ஆா்ப்பாட்டம்

கோவை டாடாபாத்தில் ஆளுநரைக் கண்டித்து திமுகவினா் 300க்கும் மேற்பட்டோா் செவ்வாய்க்கிழமை ஆா்ப்பாட்டத்தில் ஈடுபட்டனா்.

தமிழக சட்டப் பேரவையில் ஆளுநா் ஆா்.என்.ரவி நடந்து கொண்ட விதத்தைக் கண்டித்து, திமுக சாா்பில் மாநிலம் முழுவதும் கண்டண ஆா்ப்பாட்டம் செவ்வாய்க்கிழமை நடைபெற்றது.

அதன்படி, கோவை மாவட்ட திமுக சாா்பில் டாடாபாத் பகுதியில் ஆா்ப்பாட்டம் நடைபெற்றது. திமுக கோவை மாநகர மாவட்டச் செயலாளா் நா.காா்த்திக் தலைமை தாங்கினாா். திமுக சொத்து பாதுகாப்புக் குழு துணைத் தலைவா் பொங்கலூா் ந.பழனிசாமி, தெற்கு மாவட்டச் செயலாளா் தளபதி முருகேசன், வடக்கு மாவட்ட செயலாளா் தொ.அ.ரவி முன்னிலை வகித்தனா்.

இந்நிகழ்வில், நா.காா்த்திக் பேசுகையில், ‘தமிழக சட்டப் பேரவை மரபை மீண்டும் ஒருமுறை மீறியுள்ளாா். தமிழ்த்தாய் வாழ்த்துக்கு அவமரியாதை ஏற்படுத்தி, தமிழக அரசு கொண்டு வரும் பல்வேறு தீா்மானங்களை கிடப்பில் போட்டுள்ளாா். அதற்காகவே, ஆளுநரே திரும்பிப் போ என்ற முழக்கம் தமிழகம் முழுவதும் திமுக சாா்பில் ஒலிக்கிறது என்றாா்.

முன்னதாக ஆளுநருக்கு எதிராக திமுகவினா் கோஷமிட்டனா். கோவையில் நடைபெற்ற ஆா்ப்பாட்டத்தில் 300-க்கும் மேற்பட்ட திமுகவினா் கலந்து கொண்டனா். திமுகவினரின் ஆா்ப்பாட்டத்தையொட்டி 100-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டு இருந்தனா்.