போதைப் பொருள் இல்லா தமிழகம் செயலியைப் பயன்படுத்துமாறு பள்ளி, கல்லூரிகளுக்கு ஆட்சியா் அறிவுறுத்தல்

போதைப்பொருள்களை விற்பனை செய்வோா், பயன்படுத்துவோா் குறித்த தகவல்களை தெரிவிப்பதற்காக உருவாக்கப்பட்ட ‘போதைப் பொருள் இல்லா தமிழகம்’ என்ற செயலியை பள்ளி,கல்லூரி மாணவ-மாணவிகள்பயன்படுத்த வேண்டும் என ஆட்சியா் இரா. சுகுமாா் அறிவுறுத்தியுள்ளாா்.

யின் பயன்பாடு குறித்து அரசு மற்றும் இதுதொடா்பாக, மாவட்ட காவல் கண்காணிப்பாளா் என். சிலம்பரசன் முன்னிலையில் தனியாா் பள்ளிகளின் தலைமையாசிரியா்கள், கல்லூரி முதல்வா்களுடனான ஆட்சியா் அலுவலகத்தில் நடைபெற்ற ஆலோசனைக் கூட்டத்துக்கு தலைமை வகித்து ஆட்சியா் பேசியதாவது: தமிழகத்தில் போதைப்பொருள் புழக்கதை முற்றிலும் ஒழிப்பதற்காக முதல்வா் ‘போதைப்பொருள்கள் இல்லா தமிழ்நாடு’ என்ற தலைப்பில் பல்வேறு முன்னெச்சரிக்கை நடவடிக்கைகளையும், தொடா் நடவடிக்கைகளையும் மேற்கொண்டு வருகிறாா். அதன்படி, திருநெல்வேலி மாவட்டத்தில் உள்ள பள்ளிகள், அனைத்து வகை கல்லூரிகளில் மாணவா்களை உள்ளடக்கிய போதைப்பொருள்கள் ஒழிப்பு குழுக்கள் அமைக்கப்பட்டு பொதுமக்கள், பிற மாணவ, மாணவிகளிடையே பல்வேறு விழிப்புணா்வு நடவடிக்கைகள் மேற்கொள்ளப்படுகின்றன.

இதற்காக வடிவமைக்கப்பட்டுள்ள ‘ ஈதமஎ ஊதஉஉ பச’ என்ற செயலியில் போதைப்பொருள்கள் விற்பனை குறித்த விவரங்கள் தெரிவிப்பவரின் தகவல் கேட்கப்படாது. இந்தச் செயலி மிகவும் பாதுகாப்பானது.

எனவே, போதைப்பொருள்கள், குட்கா, கஞ்சா, கள்ளச்சாராயம் போன்றவற்ரை விற்பனை செய்வோா் அல்லது பயன்படுத்துவோா் குறித்து தகவல் தெரிந்தால் இந்த செயலில் தகவல்களையும், புகைப்படங்கள் உள்ளிட்ட ஆவணங்களையும் பதிவேற்றம் செய்யலாம். உடனடியாக சென்னையில் உள்ள கட்டுப்பாட்டு அறையில் இருந்து சம்பந்தப்பட்ட மாவட்ட ஆட்சியா் மற்றும் மாவட்ட காவல் கண்காணிப்பாளருக்கு தகவல் தெரிவிக்கப்பட்டு போதைப்பொருள்களின் பயன்பாடு தடுத்து நிறுத்தப்படும்.

இந்த செயலி குறித்து பள்ளி, கல்லூரி மாணவ, மாணவிகளிடம் விரிவாக எடுத்துரைக்க வேண்டும். மாணவா்களின் பெற்றோா்கள், உறவினா்களிடம் தங்களது கைப்பேசியில் செயலியை பதிவிறக்கம் செய்து பயன்படுத்த அறிவுறுத்த வேண்டும். பள்ளி, கல்லூரி விளம்பரப் பலகையில் செயலி குறித்த விவரத்தை தெரியப்படுத்த வேண்டும். ‘போதைப்பொருள்கள் இல்லா தமிழ்நாடு‘ என்ற நிலையை அடைய அனைத்துத் துறை அலுவலா்களும் ஒன்றிணைந்து செயலாற்ற வேண்டும் என்றாா்.

இக்கூட்டத்தில், திருநெல்வேலி மாநகராட்சி ஆணையா் என்.ஓ.சுகபுத்ரா, மாவட்ட வருவாய் அலுவலா் மா.சுகன்யா, உதவி ஆட்சியா் (பயிற்சி) அம்பிகா ஜெயின், தனித்துணை ஆட்சியா் ஜெயா, மாநகர காவல் துணை ஆணையா்கள் கீதா (மேற்கு), வினோத் சாந்தாராம் (கிழக்கு), மாவட்ட முதன்மைக் கல்வி அலுவலா் சிவகுமாா், அனைத்து அரசு மற்றும் தனியாா் பள்ளிகளின் தலைமையாசிரியா்கள், கல்லூரிகளின் முதல்வா்கள் ஆகியோா் கலந்து கொண்டனா்.