போதைப் பொருள் கும்பலுக்கு உதவிய காவலா் கைது

சென்னையில் போதைப் பொருள் கடத்தல் கும்பலுக்கு உதவியதாக காவலா் கைது செய்யப்பட்டாா்.

எழும்பூரில் போதைப் பொருள் வைத்திருந்ததாக சென்னை பெரம்பூா், ஸ்ரீராம் நகரைச் சோ்ந்த பாலசுப்பிரமணியன், அஸ்ஸாம் மாநிலத்தைச் சோ்ந்த பாத்திமா பேகம் ஆகியோா் அண்மையில் கைது செய்யப்பட்டனா். மேலும், அவா்கள் காரிலிருந்த ரூ. 35 லட்சம் மதிப்புள்ள 700 கிராம் மெத்தம்பெட்டமைன், 6.5 கிலோ கஞ்சா பறிமுதல் செய்யப்பட்டன.

விசாரணையில், வண்ணாரப்பேட்டை காவல் நிலையத்தில் பணிபுரியும் அருண்பாண்டியன், போதைப் பொருள் கடத்தல் கும்பலுடன் நெருங்கிய தொடா்பு வைத்துக்கொண்டு, அவா்களுக்கு பல்வேறு உதவிகளை செய்தது தெரியவந்தது.

இதையடுத்து, அருண்பாண்டியனை புதன்கிழமை போலீஸாா் கைது செய்தனா். காவல் நிலையத்தின் சாா்பில் நீதிமன்ற பணிகளை செய்துவந்த அருண்பாண்டியன், போதைப் பொருள் கும்பலிடமிருந்து பறிமுதல் செய்து, காவல் துறை வசம் வைக்கப்பட்டிருந்த போதைப் பொருள்களை, யாருக்கும் தெரியாமல் மீண்டும் போதைப் பொருள் கும்பலிடமே விற்று லட்சக்கணக்கில் பணம் சம்பாதித்து இருப்பதும் தெரிய வந்துள்ளது.

முக்கியமாக பறிமுதல் செய்யப்பட்டு வைத்திருக்கும் மெத்தம்பெட்டமைன் போதைப் பொருளை விற்றுவிட்டு, அதற்குப் பதிலாக சமையலில் சுவை ஊட்டியாக பயன்படுத்தப்படும் அஜினமோட்டாவை வைத்திருப்பதையும் விசாரணையில் போலீஸாா் கண்டறிந்தனா்.

சென்னையில் போதைப் பொருள் வழக்கில் 4 காவலா்கள் கைது செய்யப்பட்டிருந்த நிலையில் தற்போது மேலும் ஒரு காவலா் கைது செய்யப்பட்டுள்ள சம்பவம் காவல் துறை வட்டாரத்தில் அதிா்ச்சியை ஏற்படுத்தியுள்ளது.