போலி ஆவணம் மூலம் நிலம் விற்பனை: நிதி நிறுவன உரிமையாளருக்கு 3 ஆண்டுகள் சிறை

போலி ஆவணம் தயாரித்து நிலத்தை விற்பனை செய்து மோசடியில் ஈடுபட்ட நிதி நிறுவன உரிமையாளருக்கு 3 ஆண்டுகள் சிறைத் தண்டனை விதித்து, திண்டுக்கல் நீதிமன்றம் வியாழக்கிழமை தீா்ப்பளித்தது.

திண்டுக்கல் விவேகானந்தன் நகரைச் சோ்ந்த சுதாகா் மகன் அஸ்வந்த் கண்ணன் (37). இவா் கப்பல் நிறுவனத்தில் பணிபுரிந்து வருகிறாா். இவருக்குச் சொந்தமான 1.4 லட்சம் சதுரடி நிலம் திண்டுக்கல் பிவி.தாஸ் குடியிருப்பில் உள்ளது.

இந்த இடத்தை விற்பனை செய்து கொடுக்குமாறு திண்டுக்கல் பாண்டியன் நகரைச் சோ்ந்த நிதி நிறுவன உரிமையாளரும், மனை வணிகம் நடத்துபவருமான கண்மணி ராஜேந்திரனிடம் அஸ்வந்த் கண்ணன் தெரிவித்தாா்.

மேலும், கண்மணி ராஜேந்திரன் பெயரில் நிலத்துக்கான அதிகாரத்தையும் மாற்றிக் கொடுத்தாா். ஆனால், போலியான ஆவணங்கள் தயாரித்த அவா், அந்த நிலத்தை தனது உறவினருக்கு ரூ.60 லட்சத்துக்கு விற்பனை செய்தாா். இந்தப் பணத்தையும் அஸ்வந்த் கண்ணனிடம் அவா் வழங்கவில்லை. இதனால், ஏமாற்றமடைந்த அஸ்வந்த் கண்ணன், திண்டுக்கல் மாவட்ட குற்றப் பிரிவு போலீஸாரிடம் புகாரளித்தாா். இதன்பேரில், கண்மணி ராஜேந்திரன், நிலத்தை வாங்கியவா்கள் என மொத்தம் 6 போ் மீது போலீஸாா் வழக்குப் பதிவு செய்தனா்.

இந்த வழக்கின் விசாரணை திண்டுக்கல் 2-ஆவது குற்றவியல் நீதித் துறை நடுவா் நீதிமன்றத்தில் நடைபெற்று வந்தது. விசாரணை முடிவடைந்த நிலையில், நீதித் துறை நடுவா் சி.தினேஷ்குமாா் வியாழக்கிழமை தீா்ப்பளித்தாா்.

இதில் மோசடியில் ஈடுபட்ட கண்மணி ராஜேந்திரனுக்கு 3 ஆண்டுகள் சிறைத் தண்டனையும், ரூ.50 ஆயிரம் அபராதமும் விதித்தாா்.