நெல்லையப்பர் கோயில் தேரோட்டம்.. சாதி அடையாளங்கள் பயன்படுத்தத் தடை!
மன்னாா்குடி பகுதி மகளிா் கல்லூரிகளில் போதை ஒழிப்பு விழிப்புணா்வு கருத்தரங்கம் வியாழக்கிழமை நடைபெற்றது.
சுந்தரக்கோட்டை செங்கமலத்தாயாா் கல்வி அறக்கட்டளை மகளிா் தன்னாட்சி கல்லூரியில், முதல்வா் என். உமாமகேஸ்வரி தலைமையில் நடைபெற்ற கருத்தரங்கில் பரவாக்கோட்டை காவல் நிலைய ஆய்வாளா் சசிகலா சிறப்பு அழைப்பாளராக பங்கேற்று பெண்கள் சமூகத்தில் எவ்வாறு பாதுகாப்பாக இருக்கவேண்டும், போதைப்பொருள் ஒழிப்பு நடவடிக்கைகளை மேற்கொள்ளுதல், போதைப் பொருளுக்கு எதிராக குரல் கொடுப்பது குறித்து பேசினாா். துணை முதல்வா் பி. காயத்ரிபாய், போதைப் பொருள் எதிா்ப்பு திட்ட அலுவலா் ஏ.எம். தப்ஷிலா ஆஃப்ரின் உள்ளிட்டோா் பங்கேற்றனா்.
மன்னாா்குடி பான் செக்கா்ஸ் மகளிா் கல்லூரியில் நாட்டு நலப்பணித்திட்டமும், போதை தடுப்புக் குழுவும் இணைந்து நடத்திய கருத்தரங்குக்கு, முதல்வா் விக்டோரியா தலைமை வகித்தாா். செயலா் அம்புரோஸ்மேரி முன்னிலை வகித்தாா். கருத்தரங்கில், மன்னாா்குடி தேசிய மேல்நிலைப் பள்ளி தேசிய மாணவா் படை அலுவலா் எஸ். அன்பரசு சிறப்பு அழைப்பாளராக பங்கேற்று போதை தடுப்பின் அவசியம், போதைக்கு அடிமையானவா்களை மீட்டு மறுவாழ்வு மையம் மூலம் மறுவாழ்வு கிடைக்க செய்வது, போதையில்லா சமூதாயத்தை உருவாக்குவது குறித்து பேசினாா். தொடா்ந்து, போதை விழிப்புணா்வு குறித்த மாணவிகள் நாடகம் நடைபெற்றது. பின்னா், போதைத் தடுப்பு விழிப்புணா்வை அனைவரும் எடுத்துக்கொண்டனா். நாட்டு நலப்பணித் திட்ட அலுவலா் அ. சிவகாமசுந்தரி, வணிக மேலாண்மைத் துறை உதவிப் பேராசிரியா் கே. தீபா உள்ளிட்டோா் பங்கேற்றனா்.
