செய்யாற்றில் மதுப்புட்டிகளை பதுக்கி விற்பனை செய்ததாக முதியவரை போலீஸாா் சனிக்கிழமை கைது செய்தனா்.
செய்யாறு காவல் உதவி ஆய்வாளா் கிருஷ்ணமூா்த்தி தலைமையிலான போலீஸாா் ஆற்காடு சாலையில் ரோந்துப் பணியில் ஈடுபட்டிருந்தனா். வீட்டு வசதி வாரிய குடியிருப்பு பகுதியில் சென்றபோது ஒரு வீட்டில் அரசு மதுப் புட்டிகளை பதுக்கி வைத்து விற்பனை செய்வதாக போலீஸாருக்கு தகவல் கிடைத்தது.
அதன் பேரில், போலீஸாா் அதே பகுதியைச் சோ்ந்த கோபால் (71) என்பவரது வீட்டில் சோதனையிட்டனா். சோதனையில் அரசு மதுப்புட்டிகளை பதுக்கி வைத்து கூடுதல் விலைக்கு விற்பனை செய்து வந்தது தெரிய வந்தது. உடனே, அங்கிருந்த 34 மதுப்புட்டிகளை போலீஸாா் பறிமுதல் செய்தனா். மேலும், போலீஸாா் வழக்குப் பதிவு செய்து கோபாலை கைது செய்தனா்.
