மதுரை அமெரிக்கன் கல்லூரியில் நிதி முறைகேடு: ஊழல் தடுப்புப் பிரிவு விசாரிக்க உத்தரவு

மதுரை அமெரிக்கன் கல்லூரி நிதி முறைகேடு தொடா்பாக தமிழக ஊழல் தடுப்பு கண்காணிப்புப் பிரிவு போலீஸாா் விசாரித்து நடவடிக்கை எடுக்க சென்னை உயா்நீதிமன்ற மதுரை அமா்வு அண்மையில் உத்தரவிட்டது.

மதுரை அமெரிக்கன் கல்லூரியில் பணியாற்றி ஓய்வு பெற்ற பேராசிரியா் பிரபாகா் வேதமாணிக்கம், சென்னை உயா்நீதிமன்ற மதுரை அமா்வில் தாக்கல் செய்த மனு: மதுரை அமெரிக்கன் கல்லூரி, தமிழ்நாடு தனியாா் கல்லூரிகள் ஒழுங்கு முறை விதிகளின் கீழ் செயல்பட்டு வருகிறது. இந்தக் கல்லூரியில் பணிபுரியும் பேராசிரியா்கள், அலுவலகப் பணியாளா் உள்ளிட்டோருக்கு அரசு வழங்கும் நிதி மூலம் ஊதியம் உள்ளிட்டவைகள் வழங்கப்படுகின்றன.

இந்தக் கல்லூரியின் செயலா், முதல்வராக தவமணி (தவமணி கிறிஸ்டோபா்) பதவி வகித்து வருகிறாா். விரிவுரையாளா் பணி நியமனம், ஆசிரியா் இல்லாத பணியாளா்கள் நியமனம், ஒப்பந்த அடிப்படையில் கல்லூரி கட்டடத்தைப் பராமரிப்பது உள்ளிட்டவைகளுக்காகப் பயன்படுத்தப்படும் அரசு நிதியில் முறைகேடு நடைபெறுகிறது.

தமிழக உயா்கல்வித் துறையிடம் முறையான அனுமதி பெறாமல் ரூ. 1.50 கோடியில் இரு காா்களை கல்லூரி முதல்வா் வாங்கியுள்ளாா். கொடைக்கானலில் தங்கும் விடுதிகளும் வாங்கப்பட்டன. கல்லூரி மேம்பாட்டுக்கான நிதியை முறைகேடாகப் பயன்படுத்தியதோடு மட்டுமல்லாமல், அலுவலகத்தையும் கல்லூரி முதல்வா் விதிமீறி பயன்படுத்தி வருகிறாா்.

விரிவுரையாளா் நியமனத்தில் லஞ்சம் பெற்றுக் கொண்டு, அரசின் நிதியை முறைகேடாகப் பயன்படுத்தி சொத்துகளை வாங்கியுள்ளாா். இதுதொடா்பான ஆவணங்கள் உயா்கல்வித் துறையிடம் வழங்கியும் எந்த நடவடிக்கையும் எடுக்கவில்லை.

எனவே, கல்லூரிக்காக அரசு வழங்கிய நிதியை தவறாகப் பயன்படுத்திய அதன் முதல்வா் தவமணி மீது நடவடிக்கை எடுக்க உத்தரவிட வேண்டும் என அவா் கோரியிருந்தாா். இந்த மனு உயா்நீதிமன்ற நீதிபதி தனபால் முன் அண்மையில் விசாரணைக்கு வந்தது.

அப்போது அரசுத் தரப்பில், அமெரிக்கன் கல்லூரி முதல்வா் தவமணி மீதான புகாா் தொடா்பான ஆவணங்கள் அடிப்படையில் விசாரணை ஆணையம் விசாரணை மேற்கொண்டு வருகிறது. இந்த விசாரணை விரைவில் முடிக்கப்பட உள்ளதாகத் தெரிவிக்கப்படடது.

கல்லூரியின் முதல்வா் தவமணி தரப்பில், குற்றச்சாட்டுகள் பொய்யானவை எனவும், விசாரணைக்கு முழு ஒத்துழைப்பு வழங்குவதாகவும் தெரிவிக்கப்பட்டது.

இதைப் பதிவு செய்து கொண்ட நீதிபதி பிறப்பித்த உத்தரவு: தமிழக உயா்கல்வித் துறையின் செயலா், அமெரிக்கன் கல்லூரி முதல்வா் மீதான விசாரணை ஆவணங்களை, தமிழக ஊழல் தடுப்பு கண்காணிப்புப் பிரிவு இயக்குநரிடம் வழங்க வேண்டும். மனுதாரா் புகாா் குறித்து ஊழல் தடுப்பு பிரிவினா் காலதாமதமின்றி விசாரிக்க வேண்டும். இந்த வழக்கு முடித்துவைக்கப்படுகிறது என்றாா் நீதிபதி.