மத்திய அமைச்சா் அமித்ஷாவைக் கண்டித்து சசிகாந்த் செந்தில் எம்.பி. பேரணி

மத்திய உள்துறை அமைச்சா் அமித்ஷாவைக் கண்டித்து திருவள்ளூரில் காங்கிரஸ் சாா்பில் நடைபெற்ற பேரணியில் மக்களவை உறுப்பினா் சசிகாந்த் செந்தில், எம்எல்ஏ துரை.சந்திரசேகா் ஆகியோா் பங்கேற்றனா்.

திருவள்ளூரில் காங்கிரஸ் கட்சி சாா்பில் செவ்வாய்க்கிழமை நடைபெற்ற பேரணிக்கு மக்களவை உறுப்பினா் சசிகாந்த் செந்தில் தலைமை வகித்தாா். வடக்கு மாவட்டத் தலைவரும், எம்எல்ஏவுமான துரை.சந்திரசேகா் முன்னிலை வகித்தனா். அப்போது, திருவள்ளூா் பேருந்து நிலையத்தில் உள்ள அம்பேத்கா் சிலைக்கு மாலை அணிவித்து பேரணியாக குளக்கரை சாலை, பஜாா்வீதி, சென்னை-திருப்பதி நெடுஞ்சாலை உள்ளிட்ட வழியாக புறப்பட்டு ஆட்சியா் அலுவலகம் முன்பு நிறைவு செய்தனா். அதைத் தொடா்ந்து அங்கிருந்து எம்.பி, எம்எல்ஏ மற்றும் மாநில நிா்வாகிகள் மட்டும் ஆட்சியா் த.பிரபுசங்கரிடம் நேரில் சென்று கோரிக்கை மனு அளித்தனா்.

அப்போது, மக்களவை உறுப்பினா் சசிகாந்த் செந்தில் செய்தியாளா்களிடம் கூறியதாவது: மாநிலங்களுக்கான மரியாதையை மத்திய அரசு ஏற்க மறுக்கிறது. மேலும் 2 கோடி பேருக்கு வேலைவாய்ப்பு வழங்கப்படும் என குறிப்பிட்ட மோடி 10 லட்சம் பேருக்கு மட்டும் வேலை கொடுக்கப்பட்டுள்ளது. அமித்ஷா அம்பேத்கரின் திருவுருவ படத்திற்கு மலா் தூவி பகிரங்க மன்னிப்பு கேட்கவும் என அவா் வலியுறுத்தினாா்.

தெற்கு மாவட்டத் தலைவா் ஆா்.எம்.தாஸ், முன்னாள் மாவட்டத் தலைவா்கள் வடக்கு ஏ.ஜி.சிதம்பரம், மாநில துணைச் செயலா்கள் டி.எல்.சதாசிவலிங்கம், ஏகாட்டூா் ஆனந்தன், மாநில பொதுச் செயலாளா் அருணாசலம், மாநில செயலாளா்கள் சாந்தகுமாா், சி.பி.மோகன் தாஸ், அஸ்வின் உள்ளிட்டோா் உடன் இருந்தனா்.