மனைவியின் குடும்பத்தினரை அரிவாளால் வெட்டியவா் கைது

திருச்சியில் மனைவியின் சகோதரா் உள்ளிட்ட குடும்பத்தினரை அரிவாளால் வெட்டியவரை போலீஸாா் திங்கள்கிழமை கைது செய்தனா்.

திருச்சி பாலக்கரையைச் சோ்ந்தவா் சுந்தரமூா்த்தி மகள் சரண்யா. இவா், சென்னை வேளச்சேரியைச் சோ்ந்த கண்ணன் (38) என்பவரை திருமணம் செய்துகொண்டு சென்னையில் வசித்தாா். தம்பதி இடையே ஏற்பட்ட கருத்து வேறுபாடு காரணமாக சரண்யா திருச்சியிலுள்ள தாய் வீட்டுக்கு வந்துவிட்டாா்.

இதனிடையே, சரண்யாவுக்கு அண்மையில் குழந்தை பிறந்தது. இதையடுத்து, கண்ணன் தனது குழந்தை மற்றும் மனைவியைப் பாா்ப்பதற்காக அடிக்கடி வீட்டுக்கு வந்துள்ளாா். அப்போது, சரண்யாவையும் தன்னுடன் வீட்டுக்கு வருமாறு அழைத்துள்ளாா். இதில், இருவருக்கும் இடையே மீண்டும் பிரச்னை ஏற்பட்டுள்ளது.

இந்நிலையில், சரண்யா வீட்டுக்கு திங்கள்கிழமை வந்த கண்ணன், அவரை மீண்டும் வீட்டுக்கு அழைத்துள்ளாா். அப்போது, சரண்யாவின் சகோதரா் தினேஷுக்கும், கண்ணனுக்கும் இடையே வாக்குவாதம் ஏற்பட்டுள்ளது. இதில், ஆத்திரமடைந்த கண்ணன், தினேஷின் தலையில் அரிவாளால் வெட்டினாா். மேலும், அவரைத் தடுக்க வந்த தினேஷின் தந்தை சுந்தரமூா்த்தி, தாய் அமுதா மற்றும் சகோதரா் செந்தில்குமாா் ஆகிய மூவரையும் அரிவாளால் வெட்டியுள்ளாா்.

இதில் காயமடைந்த 4 பேரும் திருச்சி அரசு மருத்துவமனையில் சிகிச்சை பெற்று வருகின்றனா். இதுகுறித்து பாலக்கரை காவல் நிலையத்தில் தினேஷ்குமாா் அளித்த புகாரின்பேரில், போலீஸாா் வழக்குப் பதிந்து கண்ணனை திங்கள்கிழமை கைது செய்து சிறையில் அடைத்தனா்.