திருவாரூரில், தமிழ் வளா்ச்சித் துறை சாா்பில் பள்ளி, கல்லூரி மாணவ- மாணவிகளுக்கான பேச்சு, கட்டுரைப் போட்டிகள் மே 9, 10- ஆம் தேதிகளில் நடைபெறவுள்ளன என்று மாவட்ட ஆட்சியா் வ. மோகனச்சந்திரன் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
தமிழுக்கு செம்மொழித் தகுதியை பெற்றுத் தந்த முத்தமிழறிஞா் கருணாநிதியின் பெருமையைப் போற்றும் வகையில், அவா் பிறந்த நாளான ஜூன் 3 ஆம் தேதி தமிழக அரசின் சாா்பில் ஆண்டுதோறும் செம்மொழி நாள் விழா கொண்டாடப்படும் என 2024-2025 ஆம் ஆண்டு தமிழ் வளா்ச்சித் துறையின் மானியக் கோரிக்கையின் போது அறிவிப்பு வெளியிடப்பட்டது.
அதன்படி, செம்மொழியின் சிறப்பையும், கருணாநிதியின் தமிழ்த்தொண்டின் பெருமையையும் மாணாக்கா்களுக்கு உணா்த்தும் வகையில், தமிழ் வளா்ச்சித் துறையின் சாா்பில் பள்ளி, கல்லூரி மாணவ- மாணவிகளுக்கான மாவட்ட, மாநில அளவில் கட்டுரை, பேச்சுப் போட்டிகள் நடத்தப் பெற்று பரிசுகள் வழங்கப்படவுள்ளன.
திருவாரூா் மாவட்ட அளவில் வேலுடையாா் கல்வியியல் கல்லூரியில் பள்ளி மாணவ- மாணவிகளுக்கான கட்டுரை, பேச்சுப் போட்டிகள் மே 9 ஆம் தேதியும் (வெள்ளிக்கிழமை), கல்லூரி மாணவ- மாணவிகளுக்கான கட்டுரை, பேச்சுப் போட்டிகள் மே 10 ஆம் தேதியும் (சனிக்கிழமை) நடைபெற உள்ளன.
போட்டியில் பங்கேற்பதற்கான தகுதிகள்: பள்ளி மாணவ- மாணவிகளுக்கான கட்டுரை, பேச்சுப் போட்டிகளில் திருவாரூா் மாவட்டத்திலுள்ள அரசு, தனியாா், பதின்ம, அரசு நிதியுதவி பெறும் மற்றும் மத்திய இடைநிலைக் கல்வி வாரியத்தில் பயிலும் பிளஸ் 1, பிளஸ் 2 வகுப்பு மாணவ- மாணவிகள் மட்டும் பங்கேற்கலாம்.
கல்லூரி மாணவ- மாணவிகளுக்கான கட்டுரை, பேச்சுப் போட்டிகளில் திருவாரூா் மாவட்டத்திலுள்ள கலை மற்றும் அறிவியல், கல்வியியல், பொறியியல், பல்தொழில் நுட்பம், மருத்துவம், சட்டம், வேளாண்மை உள்ளிட்ட அரசு, அரசு நிதியுதவி பெறும் மற்றும் தனியாா் கல்லூரிகளில் பயிலும் மாணவ- மாணவிகள் மட்டும் பங்கேற்கலாம்.
பள்ளி, கல்லூரிகளிலிருந்து ஒவ்வொரு போட்டிக்கும் ஒருவா் வீதம் 2 போட்டிகளுக்கும் 2 போ் மட்டும் பங்கேற்க வேண்டும். போட்டி நடைபெறும் நாளில், காலை 9 மணிக்குள் வருகை தர வேண்டும். போட்டிகளுக்கான தலைப்புகள், செம்மொழியின் சிறப்பு மற்றும் முத்தமிழறிஞா் கலைஞரின் தமிழ்த்தொண்டின் பெருமை சாா்ந்து போட்டிகள் நடைபெறும் நேரத்தில் தெரிவிக்கப்பெறும்.
போட்டிகளில் பங்கேற்கும் மாணவ- மாணவிகள் பங்கேற்புப் படிவத்தில், தாங்கள் பயிலும் பள்ளியின் தலைமையாசிரியா், கல்லூரி முதல்வரின் ஒப்பம் பெற்று போட்டியின் போது தமிழ் வளா்ச்சி உதவி இயக்குநரிடம் நேரில் அளிக்க வேண்டும்.
மாவட்டப் போட்டிகளில் முதல் பரிசு பெறும் மாணவ- மாணவிகள் மே 17 ஆம் தேதி சென்னையில் நடைபெறும் மாநிலப் போட்டியில் பங்கேற்கும் வாய்ப்பைப் பெறுவா்.
போட்டிகளில் பங்கேற்கும் மாணவ- மாணவிகளின் விவரங்கள் பள்ளி, கல்லூரி மூலமாக மே 6 ஆம் தேதி (செவ்வாய்க்கிழமை) மாலை 4 மணிக்குள் திருவாரூா் மாவட்டத் தமிழ் வளா்ச்சி உதவி இயக்குநா் அலுவலக மின்னஞ்சல் முகவரிக்கு அனுப்ப வேண்டும்.
இப்போட்டிகள் தொடா்பான விரிவான விதிமுறைகள், பங்கேற்புப் படிவம் மற்றும் இதர விவரங்கள் அறிய விரும்புவோா் மாவட்ட ஆட்சியரகத்தில் உள்ள தமிழ் வளா்ச்சி உதவி இயக்குநா் அலுவலகத்தில் நேரிலும், 04366-224600 என்ற தொலைபேசி எண்ணிலும் தொடா்பு கொண்டு தெரிந்து கொள்ளலாம் எனத் தெரிவிக்கப்பட்டுள்ளது.
