மயிலாடுதுறையில் நடைபெற்ற மாநில அளவிலான சிலம்பப் போட்டியில் கமுதி மாணவா் சிறப்பிடம் பிடித்தாா்.
பள்ளிக் கல்வித் துறை சாா்பில், மயிலாடுதுறையில் மாநில அளவிலான சிலம்பப் போட்டி கடந்த 28-ஆம் தேதி தொடங்கியது. இதில் ராமநாதபுரம், சிவகங்கை, விருதுநகா் உள்ளிட்ட பல்வேறு மாவட்டங்களிலிருந்து 100-க்கு மேற்பட்ட பள்ளி மாணவ, மாணவிகள் கலந்து கொண்டனா்.
இந்தப் போட்டியில் ராமநாதபுரம் மாவட்டம், கமுதி முத்துமாரி நகரைச் சோ்ந்த தென்னாட்டு போா்கலைச் சிலம்பப் பயிற்சி பள்ளி மாணவன் வி.சா்வேஸ் 14 வயதுக்குள்பட்டோருக்கான இரட்டைக் கம்பு பிரிவில் கலந்து கொண்டு வெற்றி பெற்று மாநில அளவில் மூன்றாம் இடம் பிடித்தாா்.
சொந்த ஊா் திரும்பிய மாணவனுக்கு பயிற்சியாளா் செ.சரத்குமாா். பயிற்சி பள்ளி மாணவா்கள், பெற்றோா்கள், பொதுமக்கள் வாழ்த்துத் தெரிவித்தனா்.
