மாநில போட்டிக்கு மாணவா்கள் தகுதி

திருப்பத்தூா் மாவட்ட பள்ளிகளுக்கு இடையே நடைபெற்ற விளையாட்டுப் போட்டிகளில் வாணியம்பாடி வாணி மெட்ரிக் மேல் நிலைப்பள்ளி மாணவா்கள் 14 மற்றும் 17 வயதுக்குட்பட்ட கைப்பந்து பிரிவில் முதலிடம் பிடித்தனா். மேலும், 19 வயது பாட்மின்டன் போட்டியில் பெண்கள் ஒற்றையா் மற்றும் இரட்டையா் பிரிவுகளிலும் முதலிடம் பிடித்தனா்.

தடகளப் போட்டிகளில் 14 மற்றும் 19 வயது பிரிவுகளில் மாணவிகள் ஈட்டி எறிதல், குண்டு எறிதல், தட்டு எறிதல் ஆகியவற்றில் முதலிடம் பிடித்தனா்.

வெற்றி பெற்ற மாணவ, மாணவிகள் மாநில போட்டிக்கு தகுதி பெற்றுள்ளனா். வெற்றி பெற்ற மாணவா்களை வாணி கல்வி அறக்கட்டளை நிா்வாகம், பள்ளி முதல்வா், துணை முதல்வா் மற்றும் ஆசிரியா்கள் பாராட்டினா்.