மாா்த்தாண்டம் அருகே, தமிழக அரசின் ‘தாயுமானவா்’ திட்டத்தின்கீழ், ரேஷன் பொருள்களைக் கொண்டுசென்ற நியாயவிலைக் கடை விற்பனையாளரைத் தாக்கியதாக இருவா் மீது போலீஸாா் வழக்குப் பதிந்து விசாரித்து வருகின்றனா்.
மாா்த்தாண்டம் அருகே நந்தன்காடு தொடக்க வேளாண்மைக் கூட்டுறவு கடன் சங்கத்தின்கீழ் செயல்படும் மாலன்விளை நியாயவிலைக் கடையில் விற்பனையாளராக மாா்த்தாண்டத்தைச் சோ்ந்த ஜெபஜாஸ்பா் பணிபுரிந்து வருகிறாா். இவா் ஞாயிற்றுக்கிழமை, தாயுமானவா் திட்டத்தின்கீழ் குளக்கச்சி பகுதியில் விநியோகிப்பதற்காக வாகனத்தில் ரேஷன் பொருள்களை கொண்டுசென்றாா்.
அப்பகுதியைச் சோ்ந்த ஜெனேஷ், அஜேஷ் ஆகியோா் வாகனத்தில் ஒட்டப்பட்டிருந்த பிளக்ஸ் போா்டை கிழித்ததுடன், ஜெபஜாஸ்பரையும், தமிழக அரசின் திட்டங்களையும் அவதூறாகப் பேசித் தாக்கினராம்.
இதில் காயமடைந்த அவா் குழித்துறை அரசு மருத்துவமனையில் சோ்க்கப்பட்டாா். அவரை சிஐடியூ கூட்டுறவு தொழிலாளா் சங்க மாவட்ட நிா்வாகிகள் சந்தித்து ஆறுதல் கூறினா்.
சம்பவம் குறித்து மாா்த்தாண்டம் போலீஸாா் வழக்குப் பதிந்து விசாரித்து வருகின்றனா்.
