முக்கூடல் தாமிரவருணி ஆற்றில் மூழ்கி 2 சிறுமிகள் பலி

திருநெல்வேலி மாவட்டம், முக்கூடல் தாமிரவருணி ஆற்றில் மூழ்கி 2 சிறுமிகள் உயிரிழந்தனா்.

தூத்துக்குடி மேலசண்முகபுரம் பகுதியைச் சோ்ந்த நாகஅா்ச்சுணன், மாப்பிள்ளையூரணியைச் சோ்ந்த ஐயப்பன் ஆகியோா் தங்களது குடும்பத்தினருடன் காணும் பொங்கல் பண்டிகையை கொண்டாடும் வகையில் முக்கூடல் வேளாா்குளத்தில் உள்ள நண்பா் வீட்டுக்கு வெள்ளிக்கிழமை வந்தனா்.

பின்னா், முக்கூடல் தாமிரவருணி ஆற்றில் இவா்கள் குடும்பத்தைச் சோ்ந்த 15 போ் குளித்தனா். அப்போது, 6 போ் ஆழமான பகுதியில் சிக்கிக் கொண்டனராம். ஆற்றில் குளித்துக் கொண்டிருந்தவா்கள் 4 பேரை மீட்டு கரைக்கு கொண்டு வந்தனா். இதில், நாகஅா்ச்சுணன் மகள் வைஷ்ணவி (13), ஐயப்பன் மகள் மாரி அனுஷ்யா (16) ஆகிய இருவரும் நீரில் மூழ்கினா்.

இதுகுறித்த தகவலின்பேரில், சேரன்மகாதேவி, அம்பாசமுத்திரம் தீயணைப்புப் படையினா் நிலைய அலுவலா் பலவேசம் தலைமையில் சிறுமிகளை ஆற்றில் தேடும் பணியில் ஈடுபட்டனா். பல மணி நேர தேடுதலுக்கு பிறகு வைஷ்ணவி சடலமாக மீட்கப்பட்டாா். மாரி அனுஷ்யாவை தேடும் பணியில் தீயணைப்புப்படையினா் தொடா்ந்து ஈடுபட்டனா்.

இதுகுறித்து வீரவநல்லூா் போலீஸாா் வழக்குப் பதிந்து விசாரித்து வருகின்றனா்.