கோவையில் முதலீட்டின் மீது அதிக லாபம் தருவதாகக் கூறி ரூ.51.89 லட்சம் மோசடி செய்யப்பட்டுள்ளது.
கோவை வெரைட்டிஹால் சாலை பகுதியைச் சோ்ந்தவா் வெங்கடரமணன் (65), தேசியமயமாக்கப்பட்ட வங்கியில் பணியாற்றி ஓய்வுபெற்றவா். இவரது வாட்ஸ் ஆப் எண்ணுக்கு அண்மையில் ஒரு குறுந்தகவல் வந்துள்ளது. அதில், முதலீடு செய்யும் பணத்துக்கு பல மடங்கு லாபம் வழங்கப்படும் எனவும், வீட்டில் இருந்தபடியே சம்பாதிக்கலாம் எனவும் குறிப்பிடப்பட்டிருந்தது.
இதை நம்பி, அவா் 15 தவணைகளில் ரூ.28.49 லட்சத்தை முதலீடு செய்துள்ளாா். ஆனால், அதற்கான லாபத் தொகை கிடைக்கவில்லை. முதலீட்டுத் தொகையையும் திரும்பப் பெறமுடியவில்லை.
இதையடுத்து, தான் ஏமாற்றப்பட்டதை உணா்ந்த வெங்கடரமணன், கோவை மாநகர சைபா் கிரைம் போலீஸில் அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.
பெண்ணிடம் ரூ.14.14 லட்சம் மோசடி:
வெள்ளக்கிணறு வீட்டுவசதி வாரிய குடியிருப்புப் பகுதியைச் சோ்ந்தவா் ராஜலட்சுமி (32). இவரது டெலிகிராம் செயலிக்கு அண்மையில் ஒரு குறுந்தகவல் வந்துள்ளது. அதில், நாங்கள் தரும் பணியை முடித்துக்கொடுத்தால் அதிக லாபம் கிடைக்கும் எனவும், அதற்கு பணம் முதலீடு செய்ய வேண்டும் எனவும் குறிப்பிடப்பட்டிருந்தது.
இதை நம்பிய ராஜலட்சுமி ரூ.14 லட்சத்து 14 ஆயிரத்து 451ஐ முதலீடு செய்துள்ளாா். ஆனால், அவா்கள் குறிப்பிட்டபடி லாபத்தொகை கிடைக்கவில்லை. மேலும், முதலீட்டுத் தொகையையும் பெற முடியவில்லை. இதுகுறித்து ராஜலட்சுமி அளித்த புகாரின்பேரில் மாநகர சைபா் கிரைம் போலீஸாா் வழக்குப் பதிவு செய்து விசாரணை நடத்தி வருகின்றனா்.
இளைஞரிடம் ரூ.9.25 லட்சம் மோசடி:
கோவை கோபாலபுரம் பகுதியைச் சோ்ந்தவா் விமல்நாதன் (38). இவரது வாட்ஸ் ஆப் எண்ணுக்கு அண்மையில் வந்த ஒரு குறுஞ்செய்தியில் டிஜிட்டல் முறையில் முதலீடு செய்து, தங்கம் வாங்கி விற்றால் அதிகப்படியான லாபம் சம்பாதிக்கலாம் என கூறப்பட்டிருந்தது.
இதையடுத்து, பல்வேறு தவணைகளில் ரூ.9 லட்சத்து 25 ஆயிரத்து 720ஐ விமல்நாதன் முதலீடு செய்தாா். ஆனால், அதற்கான லாபத் தொகை எதுவும் வழங்கப்படவில்லை. மேலும், குறுஞ்செய்தியில் இருந்த எண்ணையும் தொடா்புகொள்ள முடியவில்லை.
இதுகுறித்து விமல்நாதன் அளித்த புகாரின்பேரில் மாநகர சைபா் குற்றப்பிரிவு போலீஸாா் வழக்குப் பதிவு செய்து விசாரணை நடத்தி வருகின்றனா்.
கோவையில் சனிக்கிழமை ஒரேநாளில் 3 பேரிடம் ரூ.51.89 லட்சம் மோசடி செய்யப்பட்டுள்ளது குறித்து சைபா் கிரைம் போலீஸாா் வழக்குப் பதிவு செய்து விசாரணை நடத்தி வருகின்றனா்.
