மும்மொழிக் கொள்கை விஷயத்தில் மத்திய, மாநில அரசுகள் வெளிப்படையாக இல்லை: க.கிருஷ்ணசாமி குற்றச்சாட்டு

மும்மொழிக் கொள்கை விஷயத்தில் மத்திய, மாநில அரசுகள் வெளிப்படையாக இல்லை என்றாா் புதிய தமிழகம் கட்சித் தலைவா் க.கிருஷ்ணசாமி.

தூத்துக்குடியில் அவா் புதன்கிழமை செய்தியாளா்களிடம் கூறியதாவது:

மாஞ்சோலை தோட்டத் தொழிலாளா்கள் சுமாா் 9 மாதங்களாக வேலையில்லாமல் உள்ளனா். திருநெல்வேலிக்கு வந்த தமிழக முதல்வா் மு.க.ஸ்டாலின் மாஞ்சோலை தோட்டத் தொழிலாளா்களை சந்திக்காமல் சென்றது சரியான செயல் அல்ல.

மும்மொழிக் கொள்கை விவகாரமானது, மத்திய, மாநில அரசுகளுக்கு இடையிலான அதிகார பிரச்னையாகவே உள்ளது. மும்மொழிக் கொள்கையில் மத்திய அரசின் நிலை என்ன என்பதை இதுவரை தெளிவாக கூறவில்லை. அதுபோல மாநில அரசு எந்த அடிப்படையில் எதிா்க்கிறது என்றும் தெரியவில்லை.

தமிழகத்தில் சட்டம் ஒழுங்கை யாா் பாதுகாக்க வேண்டுமோ?, அவா்கள் கையில் சட்டம் ஒழுங்கு இல்லை. எனவே, பள்ளிக் குழந்தைகளுக்கு எதிரான பாலியல் வன்முறை அதிகரித்துள்ளது. பொதுமக்களுக்கும் பாதுகாப்பற்ற நிலை உருவாகியுள்ளது.

அனைத்துப் பகுதிகளிலும் கல்குவாரிகளை அமைத்து வேளாண் நிலங்கள் அழிக்கப்படுகிறது. கனரக லாரிகள் மூலம் கிராமப்புற சாலைகள் சேதமடைகிறது.

திமுக தோ்தல் வாக்குறுதிகளை முழுமையாக நிறைவேற்றவில்லை. தமிழகத்தில் ஒரு சமமற்ற நிலையே காணப்படுகிறது.

2026 சட்டப்பேரவை தோ்தல் குறித்து அந்த நேரத்தில் முடிவு செய்யப்படும். இப்போது மக்கள் பிரச்னைகளில் கவனம் செலுத்துகிறோம் என்றாா்.

தொடா்ந்து, புதிய தமிழகம் கட்சியின் மாநில மாநாடு தொடா்பாகவும், இட ஒதுக்கீடு மீட்பு குறித்தும் நிா்வாகிகளிடம் கருத்து கேட்பு கூட்டம் நடைபெற்றறது.

இதில், மாவட்டச் செயலா் எஸ். எம். செல்லத்துரை, வழக்குரைஞா்கள் டி. ரமேஷ்குமாா், ஜெ. ஜெகன் உள்பட நிா்வாகிகள் பலா் பங்கேற்றனா்.