இலங்கைக்கு கடத்த முயன்ற 3 டன் பீடி இலைகள் பறிமுதல்: ஒருவா் கைது
ஆம் ஆத்மி கட்சியின் ஒருங்கிணைப்பாளர் அரவிந்த் கேஜரிவாலை, உ.பி.முதல்வர் யோகி ஆதித்யநாத் தாக்கிய பேசிய நிலையில், அதற்கு சமாஜ்வாதி கட்சியின் தலைவர் அகிலேஷ் யாதவ் பதிலடி கொடுத்துள்ளார்.
தலைநகரில் சட்டப்பேரவைத் தேர்தல் நிகழவுள்ள நிலையில் பாஜகவுக்காக ஆதரவாக வியாழக்கிழமை ஆதித்யநாத் தில்லியின் கிராரியில் பிரசாரம் செய்தார். அப்போது அவர், மதுரா-பிருந்தாவனில் உள்ள பக்தர்களும் புனிதர்களும் ஆம் ஆத்மியின் "பாவங்களுக்கு" பலியாகின்றனர், ஏனெனில் யமுனை நீர் அழுக்கு வடிகாலாக மாநிலத்தை அடைகிறது. இதன் மூலம் கேஜரிவால் பாவம் செய்துவிட்டார் என்று குற்றம் சாட்டினார்.
நமாமி கங்கை திட்டத்தின் கீழ் யமுனையின் தூய்மைக்காக ஆம் ஆத்மி கட்சியும், மத்திய அரசும் ஒருபோதும் ஒத்துழைக்கவில்லை. மேலும், புதன்கிழமை பிரயாக்ராஜில் திரிவேணி சங்கமத்தில் நீராடிய உ.பி முதல்வர், கேஜரிவாலும் அவரது அமைச்சர்களும் யமுனையில் குளிப்பார்களா? என்று கேள்வி எழுப்பியதோடு, தார்மீக தைரியம் இருந்தால் இதற்கு பதில் சொல்ல வேண்டும் என்று ஆதித்யநாத் கூறினார்.
இதற்குப் பதிலடி கொடுக்கும் வகையில் அகிலேஷ் யாதவ் எக்ஸ் தளத்தில் ஒரு பதிவை வெளியிட்டுள்ளார்.
மற்றவர்களுக்கு சவால் விடுவதற்கு முன், யோகி ஆதித்யநாத் தங்கள் மாநிலத்தில் மதுரா வழியாகப் பாயும் யமுனையிலிருந்து தண்ணீரைப் பருக வேண்டும் என்று ஹிந்தில் பதிவிட்டுள்ளார்.
தில்லியில் தேர்தல் களம் சூடுபிடித்துள்ள நிலையில், அகிலேஷ் யாதவின் சமாஜ்வாதி கட்சியும், கேஜரிவாலின் ஆம் ஆத்மி கட்சியும் பாஜக தலைமையிலான தேசிய ஜனநாயகக் கூட்டணியை எதிர்கொள்ள 2024 மக்களவைத் தேர்தலுக்கு முன்னதாக உருவாக்கப்பட்ட இந்தியாக் கூட்டணியின் அங்கங்களாகும்.
