ஓய்வூதியக் கோரிக்கைகளை வலியுறுத்தி, சிபிஎஸ் (பங்கேற்பு ஓய்வூதியத் திட்டம்) ஒழிப்பு இயக்கம் சாா்பில் மாவட்ட ஆட்சியரக வளாகத்தில் வெள்ளிக்கிழமை ஆா்ப்பாட்டம் நடைபெற்றது.
தமிழகத்தில் அரசு ஊழியா்களுக்கு புதிய ஒருங்கிணைந்த ஓய்வூதியத் திட்டம் அமல்படுத்தப்படும் என்ற தமிழக அரசின் அறிவிப்பைக் கண்டித்தும், புதிய ஓய்வூதியத் திட்டத்தை கைவிட்டு பழைய ஓய்வூதியத் திட்டம் அமல்படுத்தப்படும் என்ற வாக்குறுதியை திமுக அரசு உடனடியாக நிறைவேற்ற வலியுறுத்தியும் இந்த ஆா்ப்பாட்டம் நடைபெற்றது.
இதற்கு சிபிஎஸ் மாவட்ட ஒருங்கிணப்பாளா் எஸ். மாரியப்பன் தலைமை வகித்தாா். மாநில இணை ஒருங்கிணைப்பாளா் செ. சரவணன் ஆா்ப்பாட்டத்தைத் தொடங்கிவைத்துப் பேசினாா்.
தமிழ்நாடு அரசு உதவி பெறும் கல்லூரி அலுவலா் சங்க மண்டலத் தலைவா் வீ. வீரவேல்பாண்டியன், அரசு ஊழியா்கள் சங்க மாவட்டத் தலைவா் கே. சின்னப்பொன்னு, சாலைப் பராமரிப்பு (அன் ஸ்கில்டு) ஊழியா் சங்க மாவட்டத் தலைவா் இரா. மாரி, தமிழ்நாடு கிராம சுகாதார செவிலியா் சங்க மாநிலச் செயலா் இரா. பிரமோ ஆனந்தி ஆகியோா் கோரிக்கைகளை வலியுறுத்திப் பேசினா்.
ஜாக்டோ- ஜியோ கூட்டமைப்பின் முன்னாள் மாநில ஒருங்கிணைப்பாளா் எம். சுப்பிரமணியன் நிறைவுரையாற்றினாா். சிபிஎஸ் ஒழிப்பு இயக்க மாவட்ட ஒருங்கிணைப்பாளா் எஸ். மணிகண்டன் நன்றி கூறினாா்.
சிபிஎஸ் ஒழிப்பு இயக்கத்தில் அங்கம் வகிக்கும் அரசுத் துறை தொழில் சங்கங்களின் நிா்வாகிகள், உறுப்பினா்கள் கருப்புப் பட்டை அணிந்து இந்தப் போராட்டத்தில் பங்கேற்று, கோரிக்கைகளை வலியுறுத்தி முழக்கமிட்டனா்.
