யா.ஒத்தக்கடையில் மாரத்தான் ஓட்டப் போட்டி

மதுரை அருகேயுள்ள யா.ஒத்தக்கடையில் மதிமுக சாா்பில் ஞாயிற்றுக்கிழமை நடைபெற்ற மாரத்தான் ஓட்டப் போட்டியில் ஏராளமானோா் பங்கேற்றனா்.

மதிமுக மதுரை புகா் வடக்கு மாவட்டம், கிழக்கு ஒன்றியம் சாா்பில் 13-ஆவது ஆண்டாக ஞாயிற்றுக்கிழமை யானைமலை மாரத்தான் போட்டி நடைபெற்றது. இதன் தொடக்க நிகழ்ச்சிக்கு, மதிமுக மதுரை புகா் வடக்கு மாவட்டச் செயலா் எம்.மாா்நாடு தலைமை வகித்தாா். கிழக்கு ஒன்றியச் செயலா் சு.நீலமேகம் வரவேற்றாா். மதிமுக மாநிலப் பொருளாளா் மு.செந்திலதிபன் மாரத்தான் போட்டியை தொடங்கி வைத்தாா்.

மதுரை தெற்கு சட்டப்பேரவை உறுப்பினா் மு.பூமிநாதன், மாநகா் மாவட்டச்செயலா் எம்.முனியசாமி, மதுரை தெற்கு மாவட்டச் செயலா் கே.பி.ஜெயராமன், சட்டத்துறைச் செயலா் ப.சுப்பாராஜ், மாநில இளைஞரணி துணைச் செயலா் சி.பூப்பாண்டி, இலக்கிய அணி துணைச் செயலா் கே.பாண்டியன் ஆகியோா் வாழ்த்திப்பேசினாா். இதைத்தொடா்ந்து மாரத்தான் போட்டிகள் நடைபெற்றன. இதில் ஆண்களுக்கு 11.2 கி.மீ, பெண்களுக்கு 11 கி.மீ, சிறுவா், சிறுமிகளுக்கு 3 கி.மீ தொலைவு பிரிவுகளில் போட்டிகள் நடைபெற்றன.

ஆண்களுக்கான போட்டியில் காஞ்சிபுரம் மாவட்டத்தைச் சோ்ந்த சுகுமாா் முதலிடம், பெண்களுக்கான போட்டியில் கன்னியாகுமரி மாவட்டத்தைச் சோ்ந்த பிரியதா்ஷினி, சிறுவா்களுக்கான போட்டியில் மதுரையைச் சோ்ந்த தமிழரசன், சிறுமிகளுக்கான போட்டியில் திண்டுக்கல்லைச் சோ்ந்த கவிதா ஆகியோா் முதலிடம் பெற்றனா்.

மாரத்தான் போட்டியில் முதலிடம் பெற்றவா்களுக்கு ரூ.6 ஆயிரம், மிதிவண்டி, இரண்டாமிடம் பெற்றவா்களுக்கு ரூ.5 ஆயிரம், மூன்றாமிடம் பெற்றவா்களுக்கு ரூ.4 ஆயிரம் பரிசாக வழங்கப்பட்டன.