ராமநாதபுரம் மாவட்டத்தில் 10 பேருக்கு சிறை மீண்டோா் நலச் சங்கம் சாா்பில் நிதியுதவி

ராமநாதபுரம் மாவட்டத்தில் சிறை மீண்டோா் நலச்சங்கம் சாா்பில் கொலை வழக்கில் சிறைத் தண்டனை அனுபவித்து நன்னடத்தை அடிப்படையில் விடுதலையான முன்னாள் சிறைக் கைதிகள் 10 பேருக்கு தலா ரூ. 50 ஆயிரம் வீதம் ரூ. 5 லட்சம் வழங்கப்பட்டது.

இதுகுறித்து பரமக்குடி சிறைத் துறை நன்னடத்தை அலுவலா் பன்னீா்செல்வம் வியாழக்கிழமை செய்தியாளா்களிடம் கூறியதாவது:

சென்னையில் நடைபெற்ற நிகழ்வில், தமிழ்நாடு சிறை மீண்டோா் நலச்சங்கம் சாா்பில் வழக்குகளில் தண்டனை அனுபவித்து நன்னடத்தை அடிப்படையில் விடுதலையான 750 முன்னாள் சிறைக் கைதிகளுக்கு தலா ரூ.50 ஆயிரம் வீதம் ரூ.3.75 கோடி துணை முதல்வா் உதயநிதி ஸ்டாலின் மூலம் வழங்கப்பட்டது.

இதில், ராமநாதபுரம் மாவட்டத்தில் முன்னாள் சிறைக் கைதிகள் 10 பேருக்கு தலா ரூ. 50 ஆயிரம் வீதம் ரூ. 5 லட்சம் பெற்று வழங்கப்பட்டது. இந்த நிதி அவா்களின் மறுவாழ்வுக்காகவும், சமூக ஒருங்கிணைப்புக்காகவும் அளிக்கப்பட்டது.

மேலும் இவா்கள் சிறு, குறுந் தொழில்கள் தொடங்குவதற்கும், மேம்படுத்துவதற்கும், ஆடுகள், பசு மாடுகள் வாங்கவும், வேளாண் உபகரணங்கள் வாங்கி பயன்பெறுவதற்காகவும் வழங்கப்பட்டது.

இதுபோல, விடுதலை பெற்ற கைதிகள் 3 ஆண்டுகளுக்கு சிறைத் துறை நன்னடத்தை அலுவலா்களின் மேற்பாா்வையில் கண்காணிக்கப்பட்டு, அவா்களின் வாழ்வில் சீா்திருத்தம், மறுவாழ்வு, சமூக ஒருங்கிணைப்பு செய்யப்படும். இந்தியாவிலேயே தமிழ்நாட்டில் தான் சிறை மீண்டோா் நலச் சங்கம் உள்ளது என்றாா் அவா்.