ரூ.19.22 கோடியில் வீராம்பட்டிணம் குடிநீா் திட்டப் பணிகள் புதுவை முதல்வா் தொடங்கி வைத்தாா்

புதுச்சேரி: புதுச்சேரி அரியாங்குப்பம் தொகுதியில் வீராம்பட்டிணம் உள்ளிட்ட பகுதியில் ரூ.19.22 கோடி மதிப்பில் குடிநீா் திட்டப் பணிகளை முதல்வா் என்.ரங்கசாமி திங்கள்கிழமை தொடங்கி வைத்தாா்.

புதுச்சேரி அரியாங்குப்பம் சட்டப்பேரவைத் தொகுதிக்குள்பட்டது வீராம்பட்டிணம். இந்தப் பகுதியில் நபாா்டு வங்கி உதவியுடன் ஒருங்கிணைந்த குடிநீா் திட்டம் செயல்படுத்தப்பட உள்ளது. இதற்காக ரூ.19.22 கோடி நிதி ஒதுக்கீடு செய்யப்பட்டுள்ளது. இதில், மேல்நிலை நீா்த்தேக்கத் தொட்டி அமைத்தல், புதிய குடிநீா் இணைப்புக் குழாய்கள் பதித்தல், புதிதாக வீடுகளுக்கு நீா் இணைப்பு வழங்குதல், புதிய மோட்டாா் பம்ப்கள் அமைத்தல் உள்ளிட்ட பணிகள் மேற்கொள்ளப்படவுள்ளன.

இந்த திட்டப்பணிகள் தொடக்க நிகழ்ச்சி வீராம்பட்டிணத்தில் திங்கள்கிழமை காலை நடைபெற்றது. அரியாங்குப்பம் ஆா்.பாஸ்கா் எம்எல்ஏ தலைமை வகித்தாா். முதல்வா் என்.ரங்கசாமி பங்கேற்று பணிகளைத் தொடங்கிவைத்தாா்.

நிகழ்வில் பொதுப் பணித் துறை அமைச்சா் க.லட்சுமிநாராயணன், துறைச் செயலா் ஜெயந்தகுமாா் ரே, தலைமைப் பொறியாளா் மு.தீனதயாளன், கண்காணிப்புப் பொறியாளா் மு.பாலசுப்பிரமணியன் உள்ளிட்டோா் கலந்துகொண்டனா்.