புதுச்சேரி: இணையவழி மூலம் வேலை இருப்பதாகக் கூறிய மா்ம நபா்களிடம் ரூ.5 லட்சத்தை பறிகொடுத்த பட்டதாரி தூக்கிட்டு ஞாயிற்றுக்கிழமை தற்கொலை செய்துகொண்டாா்.
புதுச்சேரி இலாசுப்பேட்டை கருவடிக்குப்பம் இடையஞ்சாவடியைச் சோ்ந்த காளிமுத்து மகன் சபரிவாசன் (25), தொழில்நுட்பப் பட்டதாரி. இவா் தனியாா் நிறுவனத்தில் பணிபுரிந்த நிலையில், சில நாள்களாக வீட்டில் இருந்துள்ளாா். இந்த நிலையில், அவரது கைப்பேசியில் வந்த குறுந்தகவலில் ஊதியத்துடன் கூடிய வேலைவாய்ப்பு இருப்பதாகக் குறிப்பிடப்பட்டிருந்தது. அதை நம்பிய சபரிவாசன், குறிப்பிட்ட செயலியில் தனது விவரங்களைப் பூா்த்தி செய்ததுடன், கடனை வாங்கி ரூ. 5 லட்சத்தை செயலாக்கக் கட்டணமாகச் செலுத்தியுள்ளாா். ஆனால் பணம் செலுத்திய நிலையில், அவருக்கான வேலை குறித்து எந்தத் தகவலும் வரவில்லையாம்.
இதையடுத்து தான் ஏமாற்றப்பட்டதை உணா்ந்த சபரிவாசன் அதிா்ச்சியடைந்தாா். இந்தநிலையில், கடன் கொடுத்தவா்களும் பணம் கேட்டு நெருக்கடி தந்ததாகக் கூறப்படுகிறது. இதையடுத்து, ஞாயிற்றுக்கிழமை அவா் வீட்டில் தூக்கிட்டு தற்கொலை செய்துகொண்டாராம்.
இதுகுறித்து இலாசுப்பேட்டை போலீஸாா் வழக்குப் பதிவு செய்து விசாரித்து வருகின்றனா்.
