புது தில்லி, பிப்.22:
சட்டப் பேரவைத் தோ்தல் பிரசாரத்தின் போது பாஜக வாக்குறுதியளித்தவாறு பெண்களுக்கு ரூ.2,500 மாதாந்திர உதவித் தொகை வழங்குவது குறித்து விவாதிக்க தில்லி முதல்வரைச் சந்திக்க முன்னாள் முதல்வா் அதிஷி அனுமதி கோரி கடிதம் எழுதியுள்ளாா்.
இது தொடா்பாக அவா் சனிக்கிழமை முதல்வா் ரேகா குப்தாவுக்கு எழுதியுள்ள கடிதத்தில், ‘பிரதமா் மோடி தில்லி தோ்தல் பேரணியில் வாக்குறுதி அளித்த நிலையில், புதிய அரசின் முதல் அமைச்சரவைக் கூட்டத்தில் மகளிருக்கு நிதி உதவி குறித்த திட்டம் ஏன் அங்கீகரிக்கப்படவில்லை’ என்று கேள்வி எழுப்பியுள்ளாா்.
நிகழ் மாத தொடக்கத்தில் நடைபெற்ற தில்லி சட்டப் பேரவைத் தோ்தலில் ஆம் ஆத்மி கட்சியை பாஜக தோல்வியுறச் செய்தது. இதையடுத்து, கடந்த வியாழக்கிழமை ரேகா குப்தாவும், அவரது அமைச்சா்களும் பதவியேற்றனா்.
இத்தோ்தலில் ஆம் ஆத்மி கட்சி 22 இடங்களை மட்டுமே வென்றது. கால்காஜி தொகுதியில் அதிஷி வெற்றிபெற்றாா். எனினும், 70 இடங்களைக் கொண்ட சட்டப் பேரவையில் 48 இடங்களுடன் பாஜக அறுதிப் பெரும்பான்மையைப் பெற்றது.
இந்த நிலையில், முந்தைய ஆம் ஆத்மி அரசாங்கத்தில் முதல்வராக இருந்த அதிஷி, முதல்வா் ரேகாவை ஞாயிற்றுக்கிழமை (பிப்ரவரி 23) தனது கட்சி எம்.எல்.ஏ.க்களுடன் நேரில் சந்திக்க அனுமதி கேட்டு
கடிதம் எழுதியுள்ளாா்.
இது தொடா்பாக அவா் முதல்வா் ரேகா குப்தாவுக்கு எழுதியுள்ள கடிதத்தில் தெரிவித்திருப்பதாவது:
ஜனவரி 31-ஆம் தேதி தில்லி துவாரகாவில் நடந்த தோ்தல் பொதுக்கூட்டத்தில் பேசிய பிரதமா் நரேந்திர மோடி, தில்லியில் பாஜக அரசாங்கத்தை அமைத்த பிறகு முதல் அமைச்சரவைக் கூட்டத்திலேயே மகளிருக்கு ரூ.2,500 மாதாந்திர ஊதியம் வழங்கும் திட்டம் நிறைவேற்றப்படும் என்று தில்லியின் தாய்மாா்கள் மற்றும் சகோதரிகளுக்கு உறுதியளித்தாா்.
பாஜக அரசாங்கத்தின் முதல் அமைச்சரவைக் கூட்டம் பிப்ரவரி 20 அன்று நடைபெற்றது. ஆனால், இந்தத் திட்டம் நிறைவேற்றப்படவில்லை. மேலும், மோடியின் உத்தரவாதத்தை நம்பியிருந்த தில்லி பெண்கள் தங்களுக்கு துரோகம் இழைக்கப்பட்டதாக உணா்கிறாா்கள்’ என்று அதிஷி அக்கடிதத்தில் கூறியுள்ளாா்.
கட்சி வாக்குறுதியளித்தபடி மாா்ச் முதல் இந்தத் திட்டம் செயல்படுத்தப்படும் என்று
முதல்வா் ரேகா குப்தா உள்பட பாஜக தலைவா்கள் வலியுறுத்தி வருகின்றனா்.
