ரூ.90 லட்சத்தில் சமுதாயக் கூடத்துக்கு அடிக்கல்

திருவள்ளூா் அருகே ஆதிதிராவிடா் நலத்துறை (தாட்கோ) மூலம் ரூ.90 லட்சத்தில் புதிய சமுதாயக் கூடம் கட்ட பூந்தமல்லி சட்டப்பேரவை உறுப்பினா் அடிக்கல் நாட்டி பணிகளை தொடங்கி வைத்தாா்.

திருவள்ளூா் ஊராட்சி ஒன்றியம், தொட்டிக்கலை ஊராட்சியில் தாட்கோ மூலம் புதிதாக சமுதாயக் கூடம் அமைக்க ரூ.90 லட்சம் ஒதுக்கப்பட்டுள்ளது. விழாவுக்கு முன்னாள் ஊராட்சித் தலைவா் சீனிவாசன் தலைமை வகித்தாா். ஊராட்சி ஒன்றிய செயலாளா் சே.பிரேம் ஆனந்த், முன்னாள் ஒன்றியக் குழு உறுப்பினா் வேதவள்ளி சதீஷ்குமாா் ஆகியோா் முன்னிலை வகித்தனா்.

இதில், பூந்தமல்லி சட்டப்பேரவை உறுப்பினா் ஆ.கிருஷ்ணசாமி சிறப்பு விருந்தினராக பங்கேற்று கட்டுமானப் பணியை தொடங்கி வைத்தாா்.