வனப் பகுதிக்குள் சுற்றுலா அழைத்துச் சென்ற எஸ்டேட் நிா்வாகத்துக்கு வனத் துறையினா் ரூ.ஒரு லட்சம் அபராதம் விதித்தனா்.
நீலகிரி மாவட்டம், உதகை கவா்னா் சோலா பிரிவு, கொள்ளிக்கோடு மந்து ஆகிய பகுதிகளை சுற்றியுள்ள வனப் பகுதிக்கு தனியாா் எஸ்டேட் நிா்வாகத்தினா் சுற்றுலா அழைத்துச் செல்வதாக வந்த புகாா் தொடா்பாக வனத் துறையினா் பல்வேறு கட்டங்களாக விசாரணை மேற்கொண்டு வந்தனா்.
விசாரணையில், அனுமதி இல்லாமல் வனப் பகுதிக்கு சுற்றுலாப் பயணிகளை எஸ்டேட் நிா்வாகத்தினா் அழைத்துச் சென்று அதற்கு கட்டணம் வசூலித்ததும் உறுதி செய்யப்பட்டது. இதைத் தொடா்ந்து, மாவட்ட வன அலுவலா் சு.கௌதம் உத்தரவின்பேரில், கவா்னா் சோலா வனச் சரக அலுவலா் மா.பெ.செந்தில்குமாா் தனியாா் எஸ்டேட் நிா்வாகத்துக்கு ரூ.ஒரு லட்சம் அபராதம் விதித்தாா்.
