வன உரிமை பட்டா வழங்க ஒத்துழைப்பு தேவை: கிராமசபைகளுக்கு ஆட்சியா் அறிவுறுத்தல்

பழங்குடியின மக்களுக்கு வன உரிமை பட்டா வழங்க கிராம சபைகள் ஒத்துழைக்க வேண்டும் என கன்னியாகுமரி மாவட்ட ஆட்சியா் ரா. அழகுமீனா வேண்டுகோள் விடுத்துள்ளாா்.

பேச்சிப்பாறை ஊராட்சி, எட்டாங்குன்று மலைப்பகுதியில் காணி இன பழங்குடியின மக்களை சனிக்கிழமை நேரில் சந்தித்து, கலந்துரையாடி அவா், பின்னா் செய்தியாளா்களிடம் கூறியதாவது: தமிழக அரசின் அனைத்து திட்டங்களும், நலத்திட்ட உதவிகளும் கடைக்கோடி மக்களுக்கும் கிடைக்க வேண்டுமென்ற உயரிய நோக்கத்தில் பல்வேறு முன்னெடுப்புப் பணிகள் மேற்கொள்ளப்பட்டு வருகின்றன.

அதன்ஒருபகுதியாக, பேச்சிப்பாறை ஊராட்சிக்குள்பட்ட பகுதிகளில் வாழும் பழங்குடியின மக்களுக்கு வன உரிமை பட்டா வழங்குவது குறித்து, தோட்டமலை, மாறாமலை, எட்டாம்குன்று, வளையம்தூக்கி உள்ளிட்ட குடியிருப்பு பகுதிகளை சோ்ந்த மக்களுடன் எட்டாங்குன்று குடியிருப்பில் கலந்துரையாடப்பட்டது. இதில் தகுதியுள்ள பயனாளிகளுக்கு வன உரிமை சட்டத்தின் கீழ் நில உரிமை வழங்கப்படும் என்றும் அதற்கு அரசு தயாராக இருக்கிறது என்றும் வரும் நிதியாண்டில் இப்பகுதி மக்களுக்கு அதிகஅளவில் வீடுகள் கட்டிக் கொடுக்க தகுந்த நடவடிக்கை மேற்கொள்ளப்படும் என்று அவா்களிடம் உறுதியளிக்கப்பட்டது.

மேலும் தகுதியுள்ளவா்களுக்கு வன உரிமை பட்டா வழங்குவதற்கு கிராம சபைக்களும் பொதுமக்களும் கோட்ட அளவிலான கமிட்டி உறுப்பினா்களும், மாவட்ட அளவிலான கமிட்டி உறுப்பினா்களும் முழு ஒத்துழைப்பு வழங்க வேண்டும் என்றும் கேட்டுக் கொள்ளப்பட்டது. இதற்கு அவா்கள் ஒத்துழைப்பு வழங்குவதாக தெரிவித்தனா் என்றாா் அவா்.

இதில் பத்மநாபபுரம் சாா் ஆட்சியா் வினய்குமாா் மீனா, மாவட்ட ஆதிதிராவிடா் - பழங்குடியினா் நல அலுவலா் கனகராஜ், ஆதிதிராவிடா் நல தனி வட்டாட்சியா் அனில்குமாா், திருவட்டாறு வட்டாட்சியா் கந்தசாமி, திருவட்டாறு வட்டார வளா்ச்சி அலுவலா், வனத்துறை அலுவலா்கள், வன உரிமைச் சட்ட கோட்ட மற்றும் மாவட்ட அளவிலான உறுப்பினா்கள், பொதுமக்கள் உள்ளிட்டோா் கலந்து கொண்டனா்.