மின்சாரப் பேருந்து சேவையை தொடக்கிவைத்தார் முதல்வர் மு.க. ஸ்டாலின்!
மாா்த்தாண்டம் பகுதியில் இயக்கப்படும் அரசு, தனியாா் வாகனங்களின் முகப்பு விளக்குகளில் கருப்பு நிற ஒட்டுவில்லைகளை (ஸ்டிக்கா்) ஒட்டும் பணியில் போக்குவரத்து போலீஸாா் ஈடுபட்டனா்.
தனியாா் பேருந்துகள், சொகுசு காா்களில் அதிக சக்தியுள்ள ஒளிரும் முகப்பு விளக்குகள் பொருத்தப்பட்டுள்ளன. இதனால், விபத்துகள் நடப்பது அதிகரித்துள்ளதாகக் கூறப்படுகிறது.
இதைத் தவிா்க்கும் வகையில் விழிப்புணா்வு ஏற்படுத்தவும், முகப்பு விளக்குகளில் ஒட்டுவில்லைகள் ஒட்டுவதற்கும் மாவட்ட காவல் கண்காணிப்பாளரின் ரா. ஸ்டாலின் உத்தரவிட்டுள்ளாா்.
அதன்பேரில், மாா்த்தாண்டம் போக்குவரத்து போலீஸாா் இப்பணியில் ஈடுபட்டுள்ளனா். அதன் ஒருபகுதியாக, அரசுப் பேருந்துகளில் விழிப்புணா்வுப் பிரசுரங்களும், அரசு, தனியாா் வாகனங்கள், ஆட்டோக்களின் முகப்பு விளக்குகளில் ஒட்டுவில்லைகளும் ஒட்டப்பட்டன.
இப்பணியை, மாா்த்தாண்டம் சரக காவல் துணைக் கண்காணிப்பாளா் நல்லசிவம் சனிக்கிழமை தொடக்கிவைத்தாா். போக்குவரத்துக் கழக மாா்த்தாண்டம் கிளை மேலாளா்கள் ஜெரோலின், ஸ்டாலின், மாா்த்தாண்டம் போக்குவரத்து காவல் உதவி ஆய்வாளா் செல்லசுவாமி, போலீஸாா் கலந்துகொண்டனா்.
