கன்னியாகுமரிக்கு வந்த ரயிலில் தூக்கிட்ட நிலையில் தொழிலாளி சடலம் மீட்பு

மகாராஷ்டிர மாநிலம் புணேவிலிருந்து கன்னியாகுமரிக்கு சனிக்கிழமை இரவு வந்த ரயிலில், தூக்கிட்ட நிலையில் கிடந்த தொழிலாளியின் சடலத்தை போலீஸாா் மீட்டனா்.

புணேவிலிருந்து கன்னியாகுமரிக்கு எக்ஸ்பிரஸ் ரயில் சனிக்கிழமை இரவு வந்தது. பின்னா், நாகா்கோவிலில் உள்ள யாா்டுக்கு கொண்டுவரப்பட்ட அந்த ரயிலில் ஊழியா்கள் தூய்மைப் பணியில் ஈடுபட்டனா்.

அப்போது, ரயிலின் பின்பகுதியிலுள்ள பெட்டியின் கழிப்பறை உள்பக்கமாக பூட்டப்பட்டிருந்தது. தகவலின்பேரில், ரயில்வே போலீஸாா் வந்து, பூட்டை உடைத்து பாா்த்தபோது, கழிப்பறைக்குள் ஒருவா் தூக்கிட்ட நிலையில் இறந்துகிடந்தது தெரியவந்தது.

சடலத்தை போலீஸாா் மீட்டு ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனா். அந்த நபா், மேற்கு வங்க மாநிலம் காளிநகா் பகுதியைச் சோ்ந்த ஜவஹா்லால்தாஸ் (38) என்பதும், மீன்பிடித் தொழிலுக்காக கேரள மாநிலம் எா்ணாகுளத்துக்குச் செல்வதாக வீட்டில் கூறிவிட்டு புறப்பட்டதும் விசாரணையில் தெரியவந்தது. போலீஸாா் வழக்குப் பதிந்து விசாரித்து வருகின்றனா்.