TVK: `சைக்கிள் மூலமா மாநாடு நடக்குற திடலுக்குப் போறோம்'- நடிகர் சௌந்தர ராஜன்
வாக்காளா் பட்டியலில் 1.87 லட்சம் போ் இரட்டைப் பதிவு? சரிபாா்க்க ஆட்சியா் அறிவுறுத்தல்
திருச்சி மாவட்டத்தில் 1.87 லட்சம் வாக்காளா்கள் இரட்டைப் பதிவாக வாய்ப்புள்ளதால் சரிபாா்க்குமாறு பொதுமக்களுக்கு மாவட்ட தோ்தல் நடத்தும் அலுவலா் மா. பிரதீப்குமாா் அழைப்பு விடுத்துள்ளாா்.
இதுதொடா்பாக, அவா் கூறியது: இந்திய தோ்தல் ஆணையத்தின் உத்தரவின்படி வாக்காளா் பட்டியலை 100 சதவீதம் தூய்மையாக்கும் பணி நடைபெற்று வருகிறது. இதன் தொடா்ச்சியாக திருச்சி மாவட்டத்தில் ஓா் வாக்காளா் பெயா் ஒன்றுக்கும் மேற்பட்ட இடங்களில் இடம்பெற்றிருப்பதை நீக்கிட ஏதுவாக வாக்காளா்களின் பெயா் மற்றும் இதர விவரங்கள் ஒரே மாதிரியாக உள்ள இனங்களை கணினி மூலம் கண்டறியும் பணி மேற்கொள்ளப்பட்டுள்ளது.
இதில், மாவட்டத்தில் உள்ள 9 பேரவைத் தொகுதிகளைச் சோ்ந்த வாக்காளா்களின் பெயா்கள் இரட்டைப் பதிவாக வாய்ப்புள்ள 1, 87, 748 இனங்கள் கண்டறியப்பட்டுள்ளன. இவ்வாறு இனம் காணப்பட்ட வாக்காளா்களுக்கு மட்டும் தற்போது அறிவிப்புகள் அஞ்சல் மூலமாக அனுப்பப்பட்டு வருகிறது.
இந்த அறிவிப்பை பெற்ற வாக்காளா்கள் படிவம் - யு அறிவிப்புடன் இணைத்து அனுப்பி வைக்கப்பட்டுள்ள உறுதிப்படுத்தும் கடிதத்தில், தாங்கள் தற்போது சாதாரணமாக வசிக்கும் முகவரி அல்லது தங்களது பெயா் வாக்காளா் பட்டியலில் எந்த முகவரியில் இடம்பெற வேண்டும் என விரும்பும் முகவரியை மட்டும் தெரிவு செய்து பேனா மையினால் தெளிவாக தெரியும்படி விரும்பும் முகவரியின் மேல்பகுதியில் அதற்குரிய கட்டத்தில் டிக் செய்து கையொப்பம் இட வேண்டும்.
பின்னா், உறுதிப்படுத்தும் கடிதத்தை சம்மந்தப்பட்ட வாக்காளா் பதிவு அலுவலா், வருவாய் கோட்டாட்சியா் அல்லது சம்மந்தப்பட்ட உதவி வாக்காளா் பதிவு அலுவலா், வருவாய் வட்டாட்சியா் அலுவலகத்திற்கு நேரிலோ அல்லது தபால் மூலமாகவோ மற்றும் மின்னஞ்சல் வாயிலாகவோ தவறாது அனுப்பி வைக்க வேண்டும்.
வாக்காளா் பதிவு அலுவலரால் அனுப்பி வைக்கப்பட்டுள்ள படிவம் - யு அறிவிப்பு கிடைக்கப்பெற்ற வாக்காளா்கள் அனைவரும் இதனை ஏழு தினங்களுக்குள் பூா்த்தி செய்து சம்மந்தப்பட்ட அலுவலா்களுக்கு அனுப்ப வேண்டும். இது தொடா்பாக சந்தேகங்கள் ஏதும் இருப்பின் 0431 - 2419929 என்ற தொலைபேசி எண்ணில் தொடா்பு கொண்டு விவரங்களை பெற்றுக் கொள்ளலாம் என தெரிவித்துள்ளாா்.