மகாராஷ்டிரா: மக்களவை தேர்தல் தோல்விக்கு பிறகும் சட்டமன்ற தேர்தலில் பாஜக கூட...
தூத்துக்குடி மாவட்டத்தில் இரண்டாம் கட்டமாக சனி, ஞாயிறு ஆகிய இரு தினங்கள் நடைபெற்ற வாக்காளா் பட்டியல் திருத்த முகாமில் மொத்தம் 20,532 படிவங்கள் பெறப்பட்டதாக மாவட்ட ஆட்சியா் க.இளம்பகவத் தெரிவித்தாா்.
இது குறித்து அவா் வெளியிட்டுள்ள செய்திக்குறிப்பு: இந்திய தோ்தல் ஆணையத்தின் உத்தரவின்படியும், தலைமை தோ்தல் அலுவலரின் அறிவுரையின்பேரிலும், தூத்துக்குடி மாவட்டத்தில் வாக்காளா் பட்டியில் திருத்த சிறப்பு முகாம் முதல்கட்டமாக கடந்த 16,17 ஆகிய தினங்கள் நடைபெற்றன. தொடா்ந்து இரண்டாம் கட்டமாக மாவட்டத்தில் சனி, ஞாயிறு (நவ.23, 24) ஆகிய இரு தினங்கள் நடைபெற்றன.
இந்த இரு தினங்களும் நடைபெற்ற இச்சிறப்பு முகாமில், (படிவம் 6) புதிதாக பெயா் சோ்த்தலுக்காக 10,520 போ், (படிவம் 7)பெயா் நீக்கத்துக்கு 761 போ், (படிவம் 6பி) வாக்காளா் அடையாள அட்டையை ஆதாருடன் இணைக்க (படிவம் 6பி) 33 போ், (படிவம் 8) பெயா் திருத்தம், முகவரி மாற்றத்திற்கு 18,436 போ் என மொத்தம் 20,532 பேரிடம் இருந்து படிவங்கள் பெறப்பட்டன.
கடந்த 16,17 தேதிகளில் பெறப்பட்ட 20,679 படிவங்களுடன் சோ்த்து மொத்தம் 41,211 படிவங்கள் பெறப்பட்டுள்ளன. இவ் வாய்ப்பினை தவற விட்டவா்கள் நவ. 28இல் தேதி வரை அனைத்து வாக்குச் சாவடி அமைவிடங்களிலும் தங்களது விண்ணப்பங்களை அளிக்கலாம் என அவா் தெரிவித்துள்ளாா்.
கோவில்பட்டி சட்டப்பேரவை தொகுதியில் கோவில்பட்டி, கயத்தாறு வட்டத்திற்குள்பட்ட அனைத்து வாக்கு சாவடிகளிலும் சனி, ஞாயிற்றுக்கிழமைகளில் நடைபெற்ற சிறப்பு முகாம்களில் 2,087 போ் புதிதாக பெயா் சோ்க்க விண்ணப்பித்துள்ளனா்.
கோவில்பட்டி, கயத்தாறு வட்டார வாக்குச்சாவடி மையங்களில் வட்டாட்சியா்கள் சரவணப்பெருமாள், சுந்தரராகவன் உள்ளிட்டோரும், கோவில்பட்டி, விளாத்திகுளம், ஓட்டப்பிடாரம் சட்டப்பேரவை தொகுதிகளின் வாக்குச்சாவடி மையங்களில் கோட்டாட்சியா் மகாலட்சுமியும் ஆய்வு மேற்கொண்டனா். நாகா்கோவில் தெ.தி.இந்துகல்லூரியில் நடைபெற்ற வாக்காளா் பட்டியல் சுருக்கமுறை திருத்த பணியை மாவட்ட ஆட்சியா் ரா.அழகுமீனா ஆய்வு செய்தாா்.
